ASCO kemalari TOPH gaz quvuri qurilishi uchun quvurlarni tashishda ishtirok etmoqda

“Ozarbayjon Kaspiy dengiz kemachiligi” yopiq turdagi aksiyadorlik jamiyati (ASCO) kemalari Turkmaniston – Afg‘oniston – Pokiston – Hindiston (TOPH) gaz quvuri qurilishi uchun mo‘ljallangan quvurlarni tashishda ishtirok etmoqda.

ASCO dushanba kuni xabar berishicha, tashish ishlari Boku xalqaro dengiz savdo portidan Turkmanboshi xalqaro dengiz portiga amalga oshirilmoqda.

Ushbu ishda kompaniyaning “Natavan”, “Resul Rza”, “Garadag”, “Teymur Ahmedov” va “Maestro Niyazi” nomli ko‘p maqsadli quruq yuk kemalari qatnashmoqda.

Xabarda qayd etilishicha, yil oxiriga qadar mazkur kemalar orqali 11 ming 700 dona quvurni tashish rejalashtirilgan.