Aşkabadda BMTning Turkmanistondagi doimiy muvofiqlashtiruvchisi va Markaziy Osiyo davlatlari elchilari bilan uchrashuv bo‘lib o‘tdi

Bugun Turkmaniston Tashqi ishlar vazirining o‘rinbosari Mähri Bäşimowa BMTning Turkmanistondagi Doimiy muvofiqlashtiruvchisi Dmitriy Shlapachenko hamda Turkmanistondagi Markaziy Osiyo davlatlari elchilari bilan uchrashuv o‘tkazdi. Bu haqda Turkmaniston TIV rasmiy saytida xabar berildi.

Xabarda qayd etilishicha, tomonlar Turkmanistonning BMT va uning ixtisoslashgan idoralari bilan hamkorligining muhim yo‘nalishlarini muhokama qildilar.

Shuningdek, uchrashuvda yaqin kelajakda Aşkabadda Markaziy Osiyo davlatlarining yosh diplomati va boshqa davlat xizmatchilari uchun o‘tkaziladigan ikkinchi mintaqaviy o‘quv seminarini tayyorlash va muvaffaqiyatli o‘tkazish masalalariga alohida e’tibor qaratildi.