21-avgust kuni «Kids Expo: Barchasi bolalar uchun» xalqaro ko‘rgazma-yarmarkasi doirasida Italiya sport kuni tashkil etiladi. Bu haqda Italiyaning Ashxoboddagi elchixonasi o‘z rasmiy saytida xabar bermoqda.

Tadbirlar Chandibil ko‘chasida joylashgan Turkmaniston Savdo-sanoat palatasida soat 18:00 dan 19:00 gacha bo‘lib o‘tadi.

Eslatib o‘tamiz, «Kids Expo: Barchasi bolalar uchun» xalqaro ko‘rgazma-yarmarkasi 19-22-avgust kunlari Ashxobod shahrida o‘tkaziladi. U bolalar uchun mo‘ljallangan tovarlar va xizmatlar sohasida faoliyat yurituvchi tadbirkorlar, ta'lim muassasalari, xalqaro va jamoat tashkilotlari vakillarini bir joyga jamlaydi.

Umumiy maydoni 8 000 kvadrat metrni tashkil etadigan ko‘rgazmaga 10 000 dan ortiq kishi tashrif buyurishi hamda Turkmaniston va xorijdan 100 dan ortiq ishtirokchi va soha mutaxassislari qatnashishi kutilmoqda.