Turkmanistonning ijtimoiy-iqtisodiy sohalarda erishayotgan yutuqlarini dunyoga keng targ‘ib qilish hamda xorijiy mamlakatlar bilan o‘zaro manfaatli aloqalarni yanada rivojlantirish maqsadida Turkmaniston Prezidenti tegishli hujjatni imzoladi. Bu haqda «Watan» axborot dasturida xabar berildi.

Hujjatga muvofiq, Savdo va tashqi iqtisodiy aloqalar vazirligiga 2027-yilda Serbiya Respublikasining Belgrad shahrida o‘tkaziladigan «EXPO-2027» Xalqaro ixtisoslashtirilgan ko‘rgazmasida ishtirok etish uchun Turkmaniston milliy pavilyonini loyihalash, qurish va boshqa tegishli ishlarni amalga oshirishga ruxsat berildi.

«EXPO-2027»dagi ishtirok Turkmanistonga o‘zining savdo-iqtisodiy salohiyatini hamda zamonaviy sanoat yutuqlarini xalqaro maydonda namoyish etish imkonini beradi.