L.N. Gumilyov nomidagi Yevroosiyo milliy universitetida turkman talabalari tashabbusi bilan davra suhbati bo‘lib o‘tdi

2026-yil 18-mart kuni Ostona shahridagi L.N. Gumilyov nomidagi Yevroosiyo milliy universitetida «Turkmaniston Mustaqilligining 35 yilligi: Mustaqil, doimiy Betaraf Turkmaniston – samoviy tulporlar va ushalgan orzular makoni» mavzusida davra suhbati o‘tkazildi. Bu haqda Turkmaniston TIV rasmiy sayti xabar bermoqda.

Tadbirda universitet rahbariyati, professor-o‘qituvchilar hamda oliygohda tahsil olayotgan talabalar ishtirok etdi.

Davra suhbati davomida Turkmaniston tashqi siyosatining asosiy yo‘nalishlari, yoshlar siyosati borasida amalga oshirilayotgan chora-tadbirlar muhokama qilindi. Shuningdek, ishtirokchilar ikki davlat o‘rtasida ko‘p yillar davomida shakllangan diplomatik aloqalar siyosiy, iqtisodiy va ijtimoiy-madaniy sohalarda chuqur strategik sheriklikka aylanganini ta’kidladilar.

Turkman talabalari o‘z chiqishlarida Turkmaniston nufuzini yanada yuksaltirishlarini, xalqlar o‘rtasidagi do‘stlikni mustahkamlashlarini hamda xalqaro akademik hamkorlikni rivojlantirishga hissa qo‘shishlarini aytib o‘tdilar.

Shuningdek, talabalar Turkmanistonning Mustaqillik yillarida erishgan yutuqlari zamirida turkman xalqining Milliy Lideri, Turkmaniston Xalq Maslahati Raisi Gurbanguli Berdimuhamedovning tashabbuslari hamda Turkmaniston Prezidenti Serdar Berdimuhamedovning oqilona va uzoqni ko‘zlagan siyosati turganini alohida qayd etdilar.

Oliygohda tahsil olayotgan xorijlik talabalar ham yoshlar o‘rtasidagi aloqalar va ta’lim sohasidagi hamkorlik mamlakatlarimiz kelajagini yaqinlashtiruvchi muhim ko‘prik ekanini bildirdilar.

Davra suhbati yakunida ishtirokchilar Mustaqillik yillarida turkman-qozoq munosabatlari ishonch va yaxshi qo‘shnichilik ruhida rivojlanayotganini, strategik sheriklikning mustahkam poydevori Turkmaniston va Qozog‘iston Respublikasi oliy rahbariyatining oqilona siyosati hamda yaqin muloqoti natijasida qo‘yilganini ta’kidladilar.