Mari viloyati tumanlarida bo‘sh ish o‘rinlari yarmarkalari o‘tkaziladi

Turkmaniston Mehnat va aholini ijtimoiy muhofaza qilish vazirligi Mari viloyatining Sakarchaga, Og‘uzxon hamda Taxtabozor tumanlarida aholi uchun bo‘sh ish o‘rinlari yarmarkalari o‘tkazilishini ma’lum qildi.

Sakarchaga tumanida tadbir tuman mehnat va aholini ish bilan ta’minlash bo‘limi tomonidan 11-mart kuni tuman Madaniyat uyida soat 10:00 dan 12:00 gacha tashkil etiladi. Manzil: Sakarchaga shahri, Sakarchaga–Birlashik avtomobil yo‘li bo‘yidagi 6-uy. Bog‘lanish uchun: 800566 5-34-30.

Og‘uzxon tumani mehnat va aholini ish bilan ta’minlash bo‘limi bo‘sh ish o‘rinlari yarmarkasini 13-mart kuni Og‘uzxon tumani Shatlik shahridagi Madaniyat saroyida soat 09:00 dan 12:00 gacha o‘tkazadi. Manzil: Shatlik shahri, Gazchilar bulvari ko‘chasi, 52-uy. Bog‘lanish uchun: 800559 6-58-78.

Taxtabozor tumanida bunday tadbir 12-mart kuni soat 9:30 dan 12:00 gacha tuman mehnat va aholini ish bilan ta’minlash bo‘limida bo‘lib o‘tadi. Manzil: Taxtabozor tumani, Gulja kengashligi, 6-dala shiyponi. Bog‘lanish uchun: 800568-52-1-05.

Korxonalar, tashkilotlar, muassasalar hamda xususiy tadbirkorlar mazkur tadbirlarda o‘zlaridagi bo‘sh ish o‘rinlari haqidagi ma’lumotlar bilan ishtirok etishlari lozim.

Ishga joylashmoqchi bo‘lgan fuqarolar o‘zlari bilan shaxsini tasdiqlovchi hujjat, mavjud bo‘lsa, mehnat daftarchasi hamda mutaxassisligini tasdiqlovchi guvohnomalarni olib kelishlari zarur.