Maxachkala porti Turkmaniston bilan Transkaspiy yuk tashuvlari bo‘yicha hamkorlikni kengaytirishni rejalamoqda

Maxachkala dengiz savdo porti 2026 yilda Turkmaniston, Qozog‘iston va Qirg‘iziston bilan hamkorlikni kuchaytirishni hamda Xitoydan kelayotgan yuklarni Transkaspiy transport yo‘lagi orqali tashish choralarini amalga oshirishni rejalamoqda. Bu haqda port yakshanba kuni xabar berdi.

Korxona “Shimol — Janub” transport yo‘lagi doirasida Mumbay — Maxachkala yo‘nalishida multimodal yuk tashuvlari xarajatlarini ikki baravar kamayishga erishdi.

Portning yuk tashish geografiyasi sharqiy va janubiy yo‘nalishlarga qaratilgan. Asosiy hamkorlar — Eron, Hindiston, Xitoy va Markaziy Osiyo davlatlari.

2030 yilgacha Maxachkala porti Turkmaniston, Eron va Qozog‘iston portlari bilan parom qatnovini yo‘lga qo‘yishni rejalashtirmoqda.

Maxachkala dengiz savdo porti — Rossiyaning Kaspiy dengizidagi muzlamaydigan va chuqur suvli portlaridan biridir. U Janubiy Rossiya transport tizimini Markaziy Osiyo davlatlari, Eron, Kavkaz va mintaqaning boshqa mamlakatlari bilan bog‘lovchi muhim logistika markazidir.