Medipol universiteti rektori Turkmanistonning Turkiya Respublikasidagi Bosh konsulxonasida qabul qilindi

2026-yil 24-fevral kuni Turkmanistonning Istanbul shahridagi Bosh konsuli O‘.Jumanazarov Turkiya Respublikasining Medipol universiteti rektori Bahodir Kurshat Gunturk bilan uchrashuv o‘tkazdi.

Uchrashuvdan maqsad ta’lim sohasidagi hamkorlikni rivojlantirish, ikki tomonlama ilmiy-akademik va tibbiyot yo‘nalishlarida tajriba almashish aloqalarini kengaytirishga qaratildi.

Uchrashuv davomida tomonlar oliy ta’lim tizimida amalga oshirilayotgan ishlar, xalqaro hamkorlik imkoniyatlari hamda turkman yoshlarining Turkiyada tahsil olishi bilan bog‘liq masalalar bo‘yicha fikr almashdilar. Rektor B.Gunturk ushbu oliy o‘quv yurti hozirgi vaqtda xalqaro miqyosda keng hamkorlik tarmog‘iga ega ekanligini, jumladan, xorijiy talabalar uchun yaratilayotgan imkoniyatlar izchil ortib borayotganini ta’kidladi.

Bosh konsul o‘z navbatida, turkman yoshlarining dunyo darajasidagi ta’lim markazlarida tahsil olishiga davlat tomonidan katta ahamiyat berilayotganini aytdi. Shuningdek, u turkman talabalari Turkiya oliy o‘quv yurtlarida muvaffaqiyatli tahsil olib, ikki mamlakat o‘rtasidagi do‘stona munosabatlarning mustahkamlanishiga hissa qo‘shayotganini ta’kidladi.

Uchrashuvda turkman talabalari uchun yangi imkoniyatlar yaratish, stipendiya dasturlarini kengaytirish, o‘qituvchilar va talabalar almashinuvi loyihalarini yo‘lga qo‘yish hamda birgalikdagi ilmiy-tadqiqot ishlarini rivojlantirish masalalari muhokama qilindi.

Tomonlar kelgusida tegishli shartnomalar imzolanishi va hamkorlikni aniq dasturlar orqali davom ettirish muhimligini qayd etdilar. Ushbu hamkorlik Turkmaniston va Turkiya o‘rtasidagi strategik munosabatlarni yanada mustahkamlashga va yosh avlod uchun yangi imkoniyatlar ochishga xizmat qiladi.