Medvedev: Rossiya va Turkmaniston o‘rtasidagi hamkorlik mintaqada barqarorlik va xavfsizlikni mustahkamlash manfaatlariga xizmat qiladi

Rossiya Federatsiyasi Xavfsizlik Kengashi raisining o‘rinbosari Dmitriy Medvedev Turkmaniston Prezidenti Serdar Berdimuhamedovga Yangi yil munosabati bilan yo‘llagan tabrigida Moskva va Ashxobod o‘rtasidagi hamkorlik Markaziy Osiyo va Kaspiy dengizi mintaqasida barqarorlik hamda xavfsizlikni mustahkamlash manfaatlariga mos kelishini ta’kidladi.

«Yangi yil munosabati bilan samimiy tabriklarimni qabul qiling! O‘tgan yilda Rossiya va Turkmaniston o‘rtasidagi chuqurlashtirilgan strategik sheriklik aloqalari barcha yo‘nalishlarda izchil rivojlandi. Ikki tomonlama hamkorlik davlatlarimizning barqaror ijtimoiy-iqtisodiy rivojlanishi, shuningdek, Markaziy Osiyo va Kaspiy dengizi mintaqasida barqarorlik va xavfsizlikni mustahkamlash manfaatlariga xizmat qilishiga ishonaman», — deya ta’kidladi D. Medvedev tabrigida. Tabrikning to‘liq matni TDH saytida e’lon qilingan.

Xatining yakunida Rossiya Federatsiyasi Xavfsizlik Kengashi raisining o‘rinbosari Serdar Berdimuhamedovga mustahkam sog‘liq, baxt va farovonlik, Turkmanistonning do‘stona xalqiga esa tinchlik va taraqqiyot tiladi.