Mustaqillik — milliy g‘urur, davlat suvereniteti va taraqqiyotning mustahkam poydevori. Turkmaniston Mustaqilligi xalqimiz tarixidagi eng muhim va muqaddas qadriyatlardan biridir. U mamlakatimizning mustaqil taraqqiyot yo‘lini belgilab berish bilan birga, har bir fuqaroning qalbida Vataniga bo‘lgan muhabbat va g‘ururni yanada mustahkamladi. Buyuk davlatning yangi a’sri G‘alkynysh davrida mamlakatimiz hayotining barcha jabhalarida keng ko‘lamli o‘zgarishlar amalga oshirilmoqda. Ushbu ishlar ajdodlarimizning mustaqil, adolatli va baxtli davlat barpo etish borasidagi ezgu orzulari hozirgi davrda muvaffaqiyatli ro‘yobga chiqayotganini ko‘rsatmoqda. Mustaqillik yillari Turkmaniston uchun taraqqiyot, islohotlar va yangi imkoniyatlar davri bo‘ldi. Qisqa tarixiy davr ichida mamlakatimizning iqtisodiy, ijtimoiy va madaniy sohalarida ulkan yutuqlarga erishildi. Davlatimizning iqtisodiy qudrati yildan-yilga oshib, yangi ishlab chiqarish korxonalari, turar joy binolari, ijtimoiy va madaniy maqsadlardagi obyektlar qurilib foydalanishga topshirildi. Qahramon Arkadag‘imiz asos solgan va hurmatli Prezidentimiz muvaffaqiyatli davom ettirayotgan keng ko‘lamli islohotlar natijasida Turkmaniston xalqaro maydonda o‘zining munosib o‘rnini yanada mustahkamlamoqda. Mamlakatimizda amalga oshirilayotgan yirik loyihalar, zamonaviy ishlab chiqarishlar va ijtimoiy dasturlar milliy iqtisodiyotning barqaror rivojlanishiga hamda xalqimiz farovonligining oshishiga qaratilgandir. Mustaqillik yillarida fuqarolarning turmush sharoitlarini yaxshilash, ta’lim tizimini takomillashtirish, sog‘liqni saqlashni rivojlantirish, madaniyat va sportni qo‘llab-quvvatlash borasida ham ulkan ishlar bajarildi. Qabul qilinayotgan davlat dasturlari xalqning baxtli va farovon hayotini ta’minlashga qaratilgan. Shonli Mustaqilligimizning navbatdagi bayrami ham mamlakatimiz bosib o‘tgan shonli yo‘lga nazar tashlash, qo‘lga kiritilgan yutuqlardan g‘ururlanish va kelajak uchun yuksak maqsadlarni belgilash muhim pallasidir. Hozirgi davrda mustaqil Turkmaniston tinchsevarlik, insonparvarlik va bunyodkorlik tamoyillari bilan jahon hamjamiyatida o‘ziga xos o‘rnini mustahkamlamoqda. Mustaqillik esa bu taraqqiyotning mustahkam poydevori sifatida xalqimizning nurli kelajakka bo‘lgan ishonchini yanada kuchaytirmoqda.