Iyun oyining so‘nggi jumasida tomoshabinlarga taqdim etilgan «O‘rgimchak odam: Yangi kun» (Spider-Man: Brand New Day) filmi jahon prokatidan olgan daromadi bo‘yicha barcha davrlarning eng ko‘p daromad keltirgan filmlari ro‘yxatida uchinchi o‘ringa ko‘tarildi.

Filmning prokat daromadi 2 milliard 410 million dollarga yaqinlashib, «Titanik» (2 milliard 258 million dollar) va «Avatar: Suv yo‘li» (2 milliard 335 million dollar) filmlaridan o‘zib ketdi.

Hozirda «O‘rgimchak odam: Yangi kun» filmidan oldinda faqat ikkita film bor. Ular 2009-yilda ekranlarga chiqqan «Avatar» hamda 2019-yilda prokatga chiqarilgan «Qasoskorlar: Intiho» filmlaridir. «Avatar» jahon prokatidan 2 milliard 924 million dollar, «Qasoskorlar: Intiho» esa 2 milliard 798 million dollar daromad olgan.

Shu bilan birga, «Qasoskorlar: Intiho» (Avengers: Endgame) filmi yaqin orada kinoteatrlarga qayta chiqarilishi kutilmoqda. «Qasoskorlar: Qiyomat kuni» (Avengers: Doomsday) filmining premyerasi arafasida «Qasoskorlar: Intiho» filmini kinoteatrlarda qayta namoyish etish rejalashtirilmoqda.

Qayta prokatga chiqarilishi natijasida filmning umumiy daromadi 3 milliard dollarga yetishi va u barcha davrlarning eng ko‘p daromad keltirgan filmi maqomini yana egallashi mumkin.