O‘quvchilarimiz — muhim sinov ostonasida

Gulshat Yazmuradova, Chorjoy tumanidagi 17-sonli o‘rta maktab o‘qituvchisi: Chorjoy tumanidagi o‘rta maktablarda yuqori sinf o‘quvchilarini mamlakatimizning keng ko‘lamli intellektual musobaqalaridan biri bo‘lgan «O‘g‘uzxonning iqtidorli avlodlari» nomli tanlovga tayyorlash bo‘yicha tegishli ishlar olib borilmoqda. Turkmanistonning O‘g‘uzxon nomidagi Muhandislik-texnologiyalar universiteti tomonidan tashkil etilayotgan IV integratsiyalashgan tanlovga 9–12-sinf o‘quvchilari katta qiziqish bildirmoqda. Maktablarda iqtidorli yoshlarni saralab olish va ularning bilim darajasini oshirish bo‘yicha tayyorgarlik darslari o‘tkazilmoqda.

Tanlov matematika, fizika, kimyo, biologiya hamda mantiqiy fikrlash yo‘nalishlarini o‘z ichiga oladi. Unda har bir maktabdan 20 nafardan ko‘p bo‘lmagan o‘quvchi ishtirok etishi mumkin. Tanlovda qatnashishni istovchilar 25-fevralga qadar universitetning rasmiy sayti orqali onlayn ro‘yxatdan o‘tadilar. Musobaqa uch bosqichda — tuman, viloyat hamda davlat miqyosida o‘tkaziladi. Shuningdek, barcha bosqichlarning turkman va ingliz tillarida olib borilishi yoshlarning xalqaro darajadagi tayyorgarligini oshirishga keng imkoniyat yaratadi.