Qahramon Arkadagimizning Xitoy Xalq Respublikasi Raisi bilan uchrashuvi

Kecha turkman xalqining Milliy yetakchisi, Turkmaniston Xalq Maslahati Raisi Gurbanguli Berdimuhamedovning Xitoyga doʻstona tashrifi davomida Xitoy Xalq Respublikasi Raisi Si Szinpin bilan rasmiy uchrashuvi boʻlib oʻtdi.

Uchrashuv joyida XXR Raisi turkman xalqining Milliy yetakchisini samimiy kutib oldi. Ikki davlat bayroqlari oldida suratga tushish marosimidan soʻng, Gurbanguli Berdimuhamedov va Si Szinpin oʻrtasida muzokaralar oʻtkazildi.

Si Szinpin oliy martabali mehmonni qutlab, taklifni qabul qilib kelgani uchun minnatdorlik bildirdi va ushbu tashrif Xitoyda mamlakatlarimiz oʻrtasidagi doʻstlik hamda har tomonlama hamkorlikning yorqin ramzi sifatida koʻrilayotganini taʼkidladi. U muhtaram Prezidentimizga oʻz salomini yoʻlladi va Navroʻz bayrami bilan qutladi. Shuningdek, bugun Xitoy Yangi yilining soʻnggi kuni nishonlanayotgani va ikki bayramning bir vaqtga toʻgʻri kelishi alohida ahamiyatga ega ekanini aytdi.

Muloqot davomida mamlakatlarimiz BMT va “Markaziy Osiyo — Xitoy” formati doirasida saʼy-harakatlarni birlashtirayotgani qayd etildi. Yoqilgʻi-energetika sohasi hamkorlikning ustuvor yoʻnalishlaridan biri boʻlib, “Galkanish” gaz konini oʻzlashtirish loyihalari muhokama qilindi.

Uchrashuv yakunida oʻzaro sovgʻalar almashish marosimi boʻldi. Milliy yetakchimiz muhtaram Prezidentimiz nomidan Si Szinpinga "Gadirli" ismli axaltaka tulporini sovgʻa qildi. Si Szinpin ushbu ajoyib sovgʻani mamnuniyat bilan qabul qilib, Xitoyda axaltaka otlariga katta hurmat bilan qaralishini, bundan 12 yil avval unga "Gahriman" ismli ot sovgʻa qilinganini esladi.