Rossiyaning Velikiy Ustyug shahridan Qorboboning an’anaviy yangi yil poyezdi oltinchi bor sayohatga otlandi. O‘tgan yakshanba kuni yo‘lga chiqqan poyezd mamlakatning turli shaharlariga tashrif buyurib, aholiga Yangi yil bayrami shukuhini ulashadi. Bu haqda «MIR 24» telekanali Qorboboning ijtimoiy tarmoqlardagi sahifasiga tayanib xabar berdi.

«Maks» platformasida e’lon qilingan xabarda Vologda viloyatining ertaklar olami butun mamlakatni birlashtirishi hamda poyezd Velikiy Ustyugdan Rossiya bo‘ylab oltinchi safarini boshlagani qayd etilgan.

Bu yilgi safar davomida Qorboboning poyezdi Rossiyaning 65 ta shahriga boradi. Sayohat 2027-yil 9-yanvarda yakunlanadi.

Qorboboning yangi yil poyezdi ilk bor 2021-yil dekabr oyida yo‘lga qo‘yilgan edi. Rossiyaning Vologda viloyatida joylashgan Velikiy Ustyug shahri esa Qorboboning doimiy qarorgohi sifatida tanilgan.