Rossiyalik olimlar aniqladi: asalari zaharining asosiy komponenti saratonga qarshi yordam beradi

Bu haqda Gazeta.Ru nashriga Blokhin onkologiya markazining onkogenomika laboratoriyasi ma’lumot berdi.

Melittin — asalari zaharining asosiy va yuqori biofaollikka ega bo‘lgan moddasidir. Olimlar uni saratonni davolashda ishlatish imkoniyatlarini uzoq vaqtdan beri o‘rganib kelmoqdalar. Xususan, laboratoriyada doksorubitsin dorisiga chidamli bo‘lgan ko‘krak bezi saratoni hujayralariga, shuningdek, terining agressiv melanomasi, jigar saratoni (gepatokarsinoma) va miya o‘smalari — glioblastomaga ta’siri o‘rganilmoqda.

«Kam kontsentratsiyada melittin saraton hujayralarining aksariyatini apoptoz orqali — ya’ni dasturlashtirilgan hujayra o‘limi bilan yo‘q qiladi. Shu bilan birga, sog‘lom (noshishli) hujayralar — masalan, teri hujayralarining taxminan 85 foizi — o‘sishni va bo‘linishni davom ettiradi. Bu selektiv ta’sir melittinning faqat saraton hujayralarida bo‘lgan, ammo sog‘lom hujayralarda yo‘q bo‘lgan maxsus retseptorlar bilan o‘zaro ta’siri bilan bog‘liq», — deya tushuntirdi onkogenomika laboratoriyasi xodimasi Mariya Kirpichenko.

Melittinning umumiy toksikligini kamaytirish uchun olimlar uni turli nanostrukturalarga joylashtirish orqali organizmga etkazish usullarini ishlab chiqdilar.

«Tadqiqotlarimiz shuni ko‘rsatdiki, melittin teri, oshqozon, jigar, oshqozon osti bezi va miya o‘smalaridan olingan saraton hujayralarining o‘sishini sezilarli darajada to‘xtatadi. Agar melittin maxsus bog‘lovchi yoki tashuvchi orqali tanaga xavfsiz tarzda kiritilsa, yaqin kelajakda saraton kasalliklarini davolashda yangi dori sinfi paydo bo‘lishi mumkin», — dedi tadqiqot rahbari Anna Lushnikova.