Si Szinpin Turkmanistonga kelish taklifini qabul qildi
Xitoy Xalq Respublikasi Raisi Si Szinpin Turkmaniston Prezidenti Serdar Berdimuhamedovning mamlakatimizga safar bilan kelish barasidagi taklifini qabul qildi va har ikki tomon uchun ham qulay vaqtda Turkmanistonga kelishga tayyorligini bildirdi.
"Men Xitoy-Turkmaniston har tomonlama strategik sheriklik munosabatlarini rivojlantirishga katta ahamiyat beraman va Siz bilan yaqin amaliy aloqalarni saqlab qolishni orzu qilaman. Taklifingiz uchun tashakkur bildiraman va ikki tomon uchun ham qulay vaqtda Turkmanistonga kelishga tayyorman. Ikki mamlakat Tashqi ishlar vazirliklari ushbu masala bo‘yicha yaqin aloqada bo‘lishlari mumkin", deyiladi Xitoy rahbarining yuborgan maktubida. Bu haqda Turkmaniston davlat axborot agentligi (TDH) xabar bermoqda.
Maktub davomida Si Szinpin Xitoy tomoni ikki mamlakat o‘rtasidagi turli sohalardagi o‘zaro manfaatli hamkorlikni chuqurlashtirishni izchil qo‘llab-quvvatlab kelayotganini alohida ta’kidladi.
"Xitoy va Turkmaniston o‘rtasidagi hamkorlik bo‘yicha qo‘mita ilgari surilayotgan takliflarni batafsil o‘rganib chiqib, tegishli shartlar asosida ularni hayotga tatbiq etishi mumkin. Xitoy tomoni hamkorlikning yangi yorqin namunalarini yaratish hamda Xitoy va Turkmanistonning yagona taqdirdagi hamjamiyati mazmunini izchil boyitish yo‘lida Turkmaniston bilan birgalikda ishlashga tayyordir", deb qayd etdi XXR Rahbari o‘z maktubida.
