Sun’iy Intellekt (SI) – ilmiy taraqqiyotni jadallashtirishning harakatlantiruvchi kuchi

Mamlakatimizda innovatsion raqamli texnologiyalar va ilg‘or ilmiy-texnik yechimlarning keng joriy etilishi jamiyatning barcha sohalarida islohotlarni muvaffaqiyatli amalga oshirish hamda xalq farovonligini izchil yuksaltirishning muhim shartidir.

Turkman xalqining Milliy Lideri, Qahramon Arkadag‘imiz tashabbuslari asosida davlat siyosatining ustuvor yo‘nalishlaridan biri sifatida fan va texnologiyalarni rivojlantirish Muhtaram Prezidentimiz Serdar Berdimuhamedov boshchiligida Mustaqil va doimiy Betaraf Turkmanistonimizning yangi tarixiy davrida keng ko‘lamli islohotlar bilan muvaffaqiyatli davom ettirilmoqda.

“Turkmanistonda raqamli iqtisodiyotni rivojlantirishning 2026–2028-yillarga mo‘ljallangan Konsepsiyasi”ning asosiy maqsadi – raqamli infratuzilmani rivojlantirish, davlat idoralari va iqtisodiyotning barcha tarmoqlari samarali rivojlanishi uchun qulay sharoitlar yaratish, ilg‘or ishlab chiqarish texnologiyalarini joriy etish orqali mamlakatimizning raqobatbardoshligini oshirishdan iborat.

Raqamli iqtisodiyotni rivojlantirishning yangi dasturida boshqaruv samaradorligini va xizmatlar sifatini oshirish maqsadida sun’iy intellekt, blokcheyn, moliyaviy texnologiyalar va bulutli hisob-kitoblar kabi innovatsion texnologiyalarni joriy etish ko‘zda tutilgan.

Sun’iy Intellekt (SI) — bu inson ongini takrorlash orqali fikrlash va o‘rganishga qodir bo‘lgan mashina yoki dasturlarni yaratishga yo‘naltirilgan kompyuter fanining bir tarmog‘idir.

Hozirgi vaqtda sun’iy intellekt (SI):

• Katta ma’lumotlar to‘plamini birlashtirish va bashorat qilish;
• Murakkab modellarga tayanib qaror qabul qilish;
• Turli sohalarda ijodiy kontent yaratish;
• Tasvir va nutqni tanish hamda ularni mazmunli tushunchalarga aylantirish;
• Mijozlarni qo‘llab-quvvatlashni avtomatlashtirish va tahlil orqali amaliy g‘oyalar berish imkonini beruvchi texnologiyadir.

“Mashinaviy o‘qitish” (Machine Learning) — bu SI va kompyuter fanining bir tarmog‘i bo‘lib, u ma’lumotlar va algoritmlardan foydalanib, tizimlarni inson o‘rganishiga o‘xshash usulda o‘qitish va ularning aniqligini bosqichma-bosqich oshirishga yo‘naltirilgan.

“Mashinaviy o‘qitish” va “sun’iy intellekt” atamalari ba’zan bir-birining o‘rnida qo‘llanilsa-da, ular aynan bir narsa emas. Mashinaviy o‘qitish SIning ko‘plab tarmoqlaridan biri xolos. Barcha mashinaviy o‘qitish SI hisoblanadi, lekin SIdagi barcha faoliyatlarni mashinaviy o‘qitish deb bo‘lmaydi.

SI — mashinalarni insonga ko‘proq o‘xshatadigan turli strategiya va usullarni o‘z ichiga olgan umumiy atamadir. SI “Alexa” kabi aqlli yordamchilardan tortib, robot-changyutgichlar va haydovchisiz avtomobillargacha bo‘lgan hamma narsani o‘z ichiga oladi.

Mashinaviy o‘qitish modellari esa hujjatlarni tasniflash yoki zavod uskunalariga texnik xizmat ko‘rsatish vaqtini bashorat qilish kabi aniq ma’lumotlarni tahlil qilish ishlarini bajaradi.

SIning qo‘llanilishi laboratoriyalardan chiqib, fan, iqtisodiyot va texnologiyada muhim qurolga aylandi. So‘nggi ikki yilda erishilgan yutuqlarga logistikani optimallashtirish, biznesda qaror qabul qilishni yaxshilash, sog‘liqni saqlashda kasalliklarni aniqlash, moliyaviy firgarliklarning oldini olish va yangi antibiotiklarni kashf qilish kabilarni misol keltirish mumkin.

SIning kasalliklarni aniqlashda, yetkazib berish zanjirlarini optimallashtirishda va ilmiy kashfiyotlarni jadallashtirishda samaradorligi isbotlandi.

“Sanly sowat” o‘quv markazi Bog‘lanish uchun: +993 63 639192, +993 62 525638. Manzil: Ashxobod sh., Go‘ro‘g‘li ko‘chasi, 57-“A” uy; Ashxobod sh., Garashsizlik shohko‘chasi, “Älem” binosi.