Suv resurslarini tejash: Turkmanistonda yomg‘ir suvlaridan qayta foydalanish loyihasi boshlandi
Markaziy Osiyo mintaqaviy ekologiya markzining (MOMEM) Turkmanistondagi loyiha idorasi hamda Qozog‘istonning Markaziy Osiyo ekologik tadqiqotlar instituti (CAIER) yomg‘ir suvlarini yig‘ish va ulardan qayta foydalanish tizimlarini joriy etish bo‘yicha qo‘shma loyihani tayyorlashga kirishdilar. MOMEMning rasmiy sahifasida xabar qilinganidek, ushbu dastlabki sinov loyihalari uchun Ashxobod shahri hamda «Avaza» milliy sayyohlik zonasi asosiy maydonchalar sifatida tanlab olindi.
Ushbu tashabbusning asosiy maqsadi tabiatga tayanadigan muhandislik yechimlarini mintaqaning quruq iqlim sharoitiga moslashtirishdan iboratdir. Maxsus mo‘ljallangan tizimlardan yig‘iladigan yomg‘ir suvi filtrdan o‘tkazilib, maxsus suv ombori yerlarida yig‘ilgandan so‘ng shahar istirohat bog‘larini hamda yashil zonalarni sug‘orishga yo‘naltiriladi. Bu esa asosiy ichimlik suvi manbalariga tushadigan yukning pasayishiga yordam beradi.
Qozog‘istonning CAIER instituti bu borada ilmiy tadqiqotlarni va atmosfera yog‘inlari sifatini o‘rganish ishlarini 2013-yildan beri olib bormoqda. Ikki tomonning ilmiy-tadqiqot tajribasining birlashtirilishi yomg‘ir hajmidan boshlab, ko‘k maydonlarni yaratish uchun zarur bo‘lgan ob-havo va muhandislik hisob-kitoblarini, shuningdek, texnik-iqtisodiy asosnomani tayyorlashga imkon beradi.
Yaqin vaqt ichida tomonlar Hamkorlik to‘g‘risidagi Bitimni imzolashni va xalqaro moliya tashkilotlari, jumladan Xalqaro IFC korporatsiyasi yo‘nalishi bo‘yicha xalqaro moliya mablag‘larini jalb qilish uchun qo‘shma murojaatnomani tayyorlashni rejalashtirmoqdalar. Ashxobodda va Kaspiy dengizi sohilida namoyish etish obyektlarining yaratilishi ushbu texnologiyaning kelgusida Turkmanistonning barcha hududida keng tarqatilishining dastlabki bosqichi bo‘ladi.
