Tramp TikTok ishlarini AQSh biznesi nazoratiga o‘tkazish bo‘yicha kelishuvni tasdiqladi

Farmonda “TikTok AQShdagi ilovasini yangi qo‘shma kompaniya boshqaradi, u AQShda joylashadi” deyiladi. Shuningdek, yangi tuzilmaning “eng katta ulushi va nazorati” AQSh fuqarolariga tegishli bo‘ladi. Xitoy kompaniyasi ByteDance ulushi “20% dan kam” bo‘ladi, “qolgan qismi esa ma’lum investorlarga tegishli” bo‘ladi, ular haqida ma’lumot berilmagan.

Kompaniyani “yangi direktorlar kengashi” boshqaradi va bu qoidalar “amerikaliklarning ma’lumotlarini va AQSh xavfsizligini to‘liq himoya qiladi”.

Farmonni imzolagandan so‘ng, Tramp Oq uy Oval ofisida Xitoy rahbari Si Szinpin bilan telefonda bu kelishuvni oldindan muhokama qilganini ta’kidladi.