Tramp TikTok’ning AQShdagi faoliyatini Amerika biznesi nazoratiga topshirish bo‘yicha kelishuvni tasdiqladi

AQSh prezidenti Donald Tramp 25-sentabr kuni TikTok’ning AQShdagi faoliyatini Amerika biznesi nazoratiga o‘tkazishni ta'minlovchi ijroiy farmonni imzoladi. Bu haqda Report xabar berdi va hujjat Oq uyning rasmiy veb-saytida e’lon qilingani aytiladi.

Tramp TikTok’ning AQShdagi faoliyatini Amerika biznesi nazoratiga topshirish bo‘yicha kelishuvni tasdiqladi

Farmonda quyidagilar qayd etilgan: “TikTok’ning AQShdagi tarmog‘i AQSh hududida joylashgan yangi sheriklik kompaniyasi tomonidan boshqariladi.” Shuningdek, “yangi tuzilmadagi eng katta ulush va nazorat AQSh fuqarolariga tegishli bo‘ladi” deb aytilgan. Xitoyning ByteDance kompaniyasi “20 foizdan kam ulushga ega bo‘ladi” va “qolgan qismi ayrim investorlar tasarrufida bo‘ladi”, ammo ularning kimligi haqida ma’lumot berilmagan.

Kompaniyani yangi direktorlar kengashi boshqaradi va bu qoidalar amerikaliklarning ma’lumotlari hamda AQSh xavfsizligini himoya qilishga qaratilgani ta’kidlanadi.

Tramp ushbu farmonni imzolagach, Oq uydagi Oval ofisda bu masalani ilgariroq Xitoy rahbari Si Szinpin bilan telefon orqali muhokama qilganini aytdi.