Turkman xalqining Milliy Lideri Buyuk Britaniyada rasmiy tashrif bilan boʻlib turibdi
Turkman xalqining Milliy Lideri, Turkmaniston Xalq Maslahati Raisi Gurbanguli Berdimuhamedov Buyuk Britaniya va Shimoliy Irlandiya Birlashgan Qirolligi Qiroli Karl III va uning oilasining taklifiga binoan rasmiy tashrif bilan London shahriga joʻnab ketdi.
«Watan» axborot dasturining xabar berishicha, oliy martabali mehmonga hurmat-ehtirom koʻrsatgan holda, uni Maslahat saroyidan Xalq Maslahati va Devoni masʼul rahbarlari kuzatib qoʻyishdi. Shundan biroz vaqt oʻtgach, Turkmaniston Milliy Liderining samolyoti nufuzli delegatsiya hamrohligida Buyuk Britaniya poytaxtiga yetib bordi.
Turkmaniston va Buyuk Britaniya oʻrtasidagi diplomatik munosabatlar uzoq yillar davomida mustahkam doʻstlik va oʻzaro manfaatli hamkorlikka tayanib kelmoqda. Ikki mamlakat oʻrtasidagi oʻzaro manfaatli aloqalarning mustahkam poydevori bundan bir necha oʻn yillar oldin, yaʼni 1992-yilda qoʻyilgan edi. Buyuk Britaniya Turkmanistonning tinchliksevar tashqi siyosiy yoʻnalishini doimo yuqori baholaydi. Birlashgan Qirollik 1995-yil dekabr oyida boʻlib oʻtgan BMT Bosh Assambleyasining 50-sessiyasida turkman davlatining «Doimiy betaraflik» toʻgʻrisidagi tarixiy Rezolyutsiyasini birinchilardan boʻlib qoʻllab-quvvatlagan davlatlardan biridir.
Bu galgi oliy darajadagi tashrif ikki tomonlama munosabatlar tarixida yangi sahifa ochib, siyosiy, iqtisodiy va madaniy-gumanitar sohalardagi hamkorlikni yanada mustahkamlashga xizmat qiladi.
