Turkman xalqining Milliy Yetakchisi Ozarbayjon Prezidenti va Armaniston Bosh vazirini «Insoniyat birodarligi uchun» xalqaro Zayed mukofoti topshirilishi munosabati bilan tabrikladi

Turkman xalqining Milliy Yetakchisi, Turkmaniston Xalq Maslahati Raisi Gurbanguly Berdimuhamedov Ozarbayjon Respublikasi Prezidenti Ilhom Aliyev va Armaniston Respublikasi Bosh vaziri Nikol Pashinyanni «Insoniyat birodarligi uchun» xalqaro Zayed mukofoti topshirilishi munosabati bilan raqamli formatda tabrik so‘zi bilan qutladi. Bu haqda «Vatan» axborot dasturida xabar berildi.

Turkman xalqining Milliy Yetakchisi ushbu mukofot o‘zaro tushunish va ishonchni mustahkamlash, davlatlararo muloqotni rivojlantirish hamda tinchlik va barqarorlik yo‘lidagi to‘siqlarni yengib o‘tish tamoyillari bugungi murakkab muammolar va vazifalarni hal etishda nihoyatda muhim, samarali va uzoqni ko‘zlagan yondashuvlar ekanini yaqqol tasdiqlashini ta’kidladi. Shuningdek, Turkmanistonda Ozarbayjon va Armaniston Respublikalar bilan munosabatlarni rivojlantirishga katta hurmat bilan qaralishi va bunga alohida ahamiyat berilishi qayd etildi.

«Shayx Zayed nomidagi mukofotning topshirilishi jahon miqyosida yaxshi qo‘shnichilik an’analari, tinchlik falsafasi, ishonch va o‘zaro hurmatga asoslangan muloqotning yuksak qadriyatlarini izchil asrab-avaylash uchun ruhlantiruvchi turtki bo‘lishiga ishonaman», — dedi Turkmaniston Xalq Maslahati Raisi.

Tabrik so‘zining yakunida Turkman xalqining Milliy Yetakchisi nufuzli xalqaro mukofotga sazovor bo‘lganlarga mustahkam sog‘lik, farovonlik, mas’uliyatli faoliyatlarida katta muvaffaqiyatlar, qo‘shni mamlakatlar xalqlariga esa mustahkam tinchlik, baxt va ravnaq, butun dunyo xalqlariga farovonlik va tinchlik tiladi.