Turkmaniston – Amerika Qo'shma Shtatlari: ishonchli xususiyatga ega bo'lgan munosabatlar

Qahramon Arkadagimiz Amerika Qo'shma Shtatlariga keldi. Do'stona mamlakatning xalqaro aeroportida Qahramon Arkadagimiz samimiy kutib olindi.

AQSHga safari doirasida turkman xalqining Milliy Lideri, Turkmaniston Xalq Maslahati Raisi Gurbanguli Berdimuhamedov “Nicklaus Companies” kompaniyasi prezidenti Jon Riz va kompaniya rahbariyati vakillari bilan uchrashdi. Unda ikki tomonlama munosabatlarning hozirgi holati va hamkorlikni yanada rivojlantirish masalalari muhokama qilindi.

Jon Riz turkman xalqining Milliy Lideri, Turkmaniston Xalq Maslahati Raisi Gurbanguli Berdimuhamedovni ko'rib turganidan juda xursandligini ta'kidlab, o'zining Turkmanistonga bo'lgan safarini har doim katta g'urur bilan eslashini aytdi. Shuningdek, u barcha yo'nalishlar bo'yicha uyg'un rivojlanish yo'liga tushgan Ashxobodning me'moriy uyg'unligi o'zida ijobiy taassurotlar qoldirganini ta'kidladi.

Qahramon Arkadagimiz xushmuomalalik so'zlari uchun minnatdorchilik bildirib, Turkmanistonda yuqori natijali sport, dam olish tizimi va turizmni rivojlantirishga muhim ahamiyat berilayotganini aytdi. Bu mamlakatimizda umumiy barqaror rivojlanishning strategik yo'nalishi hisoblanadi. Bunda Turkmanistonda sport hamda turizmning zamonaviy infratuzilmasi yaratilgani qayd etildi.

Uchrashuv davomida “Nicklaus Companies” kompaniyasi ishtirokida qurilgan golf maydonchalarining loyihalari namoyish etildi. Ta'kidlanganidek, sport va dam olishni o'zida jamlagan golf maydonchalari ekologik darajani saqlashda va bu yo'nalish bo'yicha innovatsion qarorlar qabul qilishda muhim shart sifatida e'tirof etilgan.

Qahramon Arkadagimiz dunyoda yetakchi hisoblangan “Nicklaus Companies” kompaniyasi bilan hamkorlikning ijobiy tajribasi to'planganini ta'kidlab, Arkadag shahrida va “Avaza” milliy sayyohlik zonasida zamonaviy golf maydonchalari qurilishi rejalashtirilayotganini aytdi.

Ashxobod shahrida qurilgan golf maydonchasi shahar aholisi, ayniqsa, yoshlar orasida katta mashhurlikka ega bo'lganini aytib, Qahramon Arkadagimiz Turkmanistonning shunday yangi markazlar qurilishi bilan bog'liq masalalar bo'yicha hamkor kompaniyaning takliflarini o'rganishga tayyorligiga e'tibor qaratdi.

Sog'liqni saqlash va sport sohasida ahamiyatli loyihalarni amalga oshirishda faol ishtirok etayotgan “Nicklaus Companies” kompaniyasi prezidenti dunyoda ishonchli hamkor hamda xalqaro munosabatlarni rivojlantirish uchun tegishli qonunchilik bazasi ta'minlangan Turkmaniston bilan hamkorlik qilish, qo'shma loyihalarni amalga oshirish ular uchun katta sharaf ekanini ta'kidladi.

Shuningdek, Jon Riz Qahramon Arkadagimizni “Avaza” milliy sayyohlik zonasida hamda Arkadag shahrida qurilishi muhim hisoblangan bir qator loyihalar bilan tanishishga taklif qildi.

Qahramon Arkadagimiz bu yerda ko'rsatilgan loyihalar bilan yaqindan tanishib, Arkadag shahrida va “Avaza” milliy sayyohlik zonasida golf maydonchalarining qurilishi mamlakatimizning turli go'shalarida ommaviy ravishda bunyod etilayotgan ijtimoiy maqsadli ob'ektlar majmuini to'ldirishini belgiladi hamda “Nicklaus Companies” kompaniyasi bilan samarali munosabatlar yanada rivojlantirilishiga ishonch bildirdi.

Jon Riz Turkmanistonda golf sportini rivojlantirishga davlat darajasida ahamiyat berilayotgani juda quvonarli holat ekanini ta'kidlab, o'zi rahbarlik qilayotgan kompaniyaning iqtisodiy jihatdan qudratli mamlakatning turli hududlarida golf maydonchalarini qurish bo'yicha takliflar tayyorlashga va ob'ektlar qurilishiga kirishish uchun zarur tayyorgarliklarni ko'rishga katta qiziqish bildirayotganini aytdi.

Arkadag shahrida va “Avaza” milliy sayyohlik zonasida qurilishi taklif etilayotgan golf maydonchalari loyihalari bilan tanishuvdan so'ng, turkman xalqining Milliy Lideri, Turkmaniston Xalq Maslahati Raisi Qahramon Arkadagimiz “Turkmaniston – AQSH” ishbilarmonlar kengashining ijrochi direktori Erik Styuart bilan uchrashdi.

“Turkmaniston – AQSH” ishbilarmonlar kengashining ijrochi direktori Erik Styuart Qahramon Arkadagimizni Amerikada ko'rib turganidan xursandligini aytib, AQSHning ishbilarmon doiralari ulkan iqtisodiy salohiyatga ega Turkmaniston bilan o'zaro manfaatli munosabatlarni rivojlantirishga katta qiziqish bildirayotganini ta'kidladi.

Qahramon Arkadagimiz hozirgi davrda Turkmaniston bilan Amerika Qo'shma Shtatlari o'rtasida turli yo'nalishlar bo'yicha munosabatlar rivojlanayotganini, bunda ikki mamlakat ishbilarmon tuzilmalari qo'shma loyihalarni amalga oshirishda faol ishtirok etayotganini ta'kidladi va o'zaro hurmat hamda ishonch asosida yo'lga qo'yilayotgan hamkorlikni yanada kengaytirish uchun ulkan imkoniyatlar borligini aytdi.

Uchrashuv davomida ikki mamlakat o'rtasida investitsiya munosabatlarini rivojlantirish xalqaro hamkorlikning muhim yo'nalishlari qatorida belgilangani qayd etildi. Bu o'zaro manfaatli asosda yo'lga qo'yilayotgan munosabatlarni rivojlantirishga hamda mustahkamlashga yordam beradi.

Qahramon Arkadagimiz Turkmaniston va AQSH ishbilarmon tuzilmalari o'rtasida istiqbolli yo'nalishlar bo'yicha munosabatlarni rivojlantirishda muhim ahamiyatga ega bo'lgan uchrashuvlarni muntazam tashkil etish zarurligiga e'tibor qaratdi. Bu o'zaro manfaatli hamkorlikning yanada rivojlanishiga kuchli turtki beradi. Shu bilan bog'liq holda, mamlakatlarimiz iqtisodiy imkoniyatlarini ro'yobga chiqarishda Amerika kompaniyalarining qo'shayotgan hissasi ta'kidlandi.

Qayd etilganidek, ko'p yillar davomida “Boeing”, “General Electric”, “John Deere”, “CASE”, “Nicklaus Companies” kabi yirik Amerika kompaniyalari Turkmanistonda muhim loyihalarni amalga oshirib kelmoqda. Shu munosabat bilan, Qahramon Arkadagimiz bir necha yillar davomida ikki mamlakat ishbilarmon tuzilmalari o'rtasidagi munosabatlar izchil rivojlanib borayotganini ta'kidladi.

“Turkmaniston – AQSH” ishbilarmonlar kengashining ijrochi direktori ikki mamlakat iqtisodiy tuzilmalari o'rtasidagi munosabatlarni yo'lga qo'yish, rivojlantirish va mustahkamlash yo'lida zarur sa'y-harakatlar qilinayotganini ta'kidladi.

Uchrashuv yakunida Qahramon Arkadagimiz hamda “Turkmaniston – AQSH” ishbilarmonlar kengashining ijrochi direktori bir-biriga eng ezgu tilaklarini bildirib, o'zaro manfaatli uzoq muddatli hamkorlik yanada rivojlantirilishiga ishonch bildirdilar.

So'ngra turkman xalqining Milliy Lideri, Turkmaniston Xalq Maslahati Raisi Gurbanguli Berdimuhamedov “Panther” milliy golf klubiga yo'l oldi.

Bu yerda Qahramon Arkadagimiz samimiy kutib olindi hamda golf klubi vakillari Qahramon Arkadagimizga maydonchalarning qurilish xususiyatlari, uning o'ziga xos shart-sharoitlari haqida gapirib berdilar. Ta'kidlanganidek, dunyoning ko'plab mamlakatlarida bo'lgani kabi, Amerika Qo'shma Shtatlarida ham golf bilan ommaviy shug'ullanish uchun ulkan imkoniyatlar yaratilgan.

Qahramon Arkadagimiz maydonchalarning obodonlashtirilishi va sifat darajasi bilan tanishib, Ashxobodda faoliyat ko'rsatayotgan golf maydonchasi yoshlarning sevimli go'shasiga aylanganini ta'kidladi. Mamlakatimizda golf maydonchalari sonini ko'paytirish rejalashtirilayotganini aytib, Qahramon Arkadagimiz bu borada ijobiy tajriba to'plagan Amerika mutaxassislari bilan hamkorlik qilinishiga katta qiziqish bildirilayotganini aytdi.

Golf klubi vakillari Turkmanistonning golf sportini rivojlantirishga bo'lgan qiziqishini ta'kidlab, turkman hamkasblari bilan tajriba almashishni va birgalikda golf musobaqalarini o'tkazishni o'zlariga bildirilgan hurmat sifatida qabul qilishlarini aytdilar.

Shuningdek, Qahramon Arkadagimiz “Sandhill Crane Golf Club” o'quv-mashg'ulot markazi bilan tanishdi. Bu o'quv-mashg'ulot markazi 1992-yilda ochilgan bo'lib, hozirgi vaqtda u eng gavjum joylardan biri hisoblanadi.

Bu yerda jahon bozorida katta talabga ega bo'lgan to'qimachilik sanoati mahsulotlari ko'rgazmasi tashkil etildi. Unda toza paxta iplaridan tayyorlangan sport kiyimlarining turli turlari namoyish etilmoqda. Shuningdek, bu yerda “Turkmanistonda ishlab chiqarilgan” belgisi bilan mamlakatimiz to'qimachilik korxonalarida ishlab chiqarilgan tovarlarga muhim o'rin berilganini ta'kidlash yoqimli.

Ma'lumki, mamlakatimiz to'qimachilik korxonalarining tozaligi va ekologik darajasi bilan yuqori xalqaro ko'rsatkichlarga to'liq javob beradigan mahsulotlari jahon bozorlarida xaridorgir va o'timli tovarlar sifatida e'tirof etilgan. Bu esa rivojlanish cho'qqilari sari dadil qadam tashlayotgan mamlakatimizning dunyoda mashhur tovarlar ishlab chiqaruvchi mamlakat sifatidagi nufuzini mustahkamlaydi.

So'ngra Qahramon Arkadagimiz ushbu majmuaning imkoniyatlari bilan tanishdi.

Markazda mashg'ulotlar raqamli tizim imkoniyatlaridan foydalangan holda o'tkaziladi. Shuningdek, markaz o'zining tabiiy xususiyatlari bilan ajralib turadi. Qahramon Arkadagimiz markaz imkoniyatlariga yuqori baho berdi va bu yo'nalishda hamkorlik samarali ekanini ta'kidladi. Golf sporti hozirgi vaqtda dunyoda mashhur sport turlaridan biri hisoblanadi. Bu sportga yoshlar orasida qiziqish tobora ortib bormoqda. Mamlakatimizda golf sportini rivojlantirish masalalariga alohida ahamiyat berilmoqda, dedi Qahramon Arkadagimiz.

Shuningdek, bu yo'nalish bo'yicha hamkorlikning kelajakdagi yo'nalishlarini belgilash muhimligini aytib, Qahramon Arkadagimiz ekologik farovonlikning muhim shartlaridan biri bo'lgan golf maydonchalarining ommaviy qurilishi odamlarning, shu jumladan yoshlarning sog'lig'ini mustahkamlashda muhim o'rin tutishini alohida ta'kidladi.

Shu bilan bog'liq holda, ikki mamlakat o'rtasida boshqa yo'nalishlar bilan bir qatorda sport, aniqrog'i, golf sporti bo'yicha aloqalarni mustahkamlash uchun vaqt sinovidan o'tgan samarali vosita sifatida golf maydonchalarining ahamiyatiga e'tibor qaratildi.

Qahramon Arkadagimiz AQSH golf klubi vakillariga muvaffaqiyatlar tiladi va ularga samarali uchrashuv uchun minnatdorchilik bildirib, bu yerdan jo'nab ketdi.

So'ngra turkman xalqining Milliy Lideri, Turkmaniston Xalq Maslahati Raisi Gurbanguli Berdimuhamedov AQSHga safari doirasida “La Victoria” yilqichilik majmuasiga bordi.

Ushbu majmua yilqichilar uchun mo'ljallangan turar-joy binolari, otxonalar, mashg'ulot maydonchasi, favvorali ko'l va boshqa turdosh ob'ektlardan iborat. Otxonada otlar uchun mo'ljallangan joylar, otlar parvarishlanadigan joylar, yopiq manej, ot egarlari va boshqa anjomlarni saqlashga mo'ljallangan xonalar bor. Shuningdek, ochiq maydonda otlarni cho'miltirish joyi yaratilgan.

Qahramon Arkadagimiz majmua tulporlari, ularning saqlanish va tayyorlanish yo'nalishlari bilan tanishib, bu yerda otlarni musobaqalarga tayyorlash imkoniyatlari, sayislar (murabbiylar)ning ish tartibi bilan qiziqdi.

AQSH hududida yirik hisoblangan ushbu majmuada yilqichilik sporti bo'yicha musobaqalar tashkil etish, shuningdek, bu yerda ot sportining konkur turi bo'yicha xalqaro musobaqalar o'tkazish uchun barcha zarur sharoitlar yaratilgan. Ta'kidlanganidek, bu yerda konkur musobaqalari bir necha oy davom etadi.

Shu nuqtai nazardan, ikki mamlakat o'rtasida ot sporti bo'yicha yaqin aloqalarni rivojlantirish uchun ulkan imkoniyatlar borligi qayd etildi. Bunda Amerika va Turkmaniston yilqichilari hamda ot sporti bilan shug'ullanuvchilar o'rtasida hamkorlikni yanada kengaytirishning ahamiyatiga e'tibor qaratildi.

Qahramon Arkadagimiz yilqichilik majmuasi vakillarining o'zaro hamkorlikni faollashtirish bo'yicha takliflari o'rganilishini aytib, bu yo'nalishda yo'lga qo'yilayotgan munosabatlar har tomonlama rivojlantirilishiga ishonch bildirdi.

Turkman xalqining Milliy Lideri, Turkmaniston Xalq Maslahati Raisi Qahramon Arkadagimiz AQSHga safari doirasida ushbu mamlakatning taniqli siyosatchi va tadbirkorlari bilan uchrashdi.

Bu yerda Qahramon Arkadagimizni tadbirkorlar Stiv Vinn, Ayzek Perlmutter, “Oxbow Group” kompaniyasi Boshqaruv kengashi raisi Vilyam Kox samimiy kutib oldilar.

Qahramon Arkadagimiz hozirgi davrda Turkmaniston bilan AQSH o'rtasidagi munosabatlar sifat jihatidan yangi bosqichga chiqayotganini, ko'plab Amerika kompaniyalari Turkmaniston bozorida samarali ish olib borayotganini ta'kidlab, ikki tomonlama munosabatlarni yanada kompleks rivojlantirish uchun ulkan imkoniyatlar borligini aytdi.

Uchrashuv davomida uzoq vaqtdan beri davom etib kelayotgan aloqalarni mustahkamlash muhimligiga alohida e'tibor qaratildi.

Ishbilarmonlar faol vaziyatda o'tgan uchrashuv uchun Qahramon Arkadagimizga minnatdorchilik bildirib, kelgusida Turkmaniston bilan hamkorlikni davom ettirishga tayyor ekanliklarini bildirdilar.

So'ngra turkman xalqining Milliy Lideri, Turkmaniston Xalq Maslahati Raisi Qahramon Arkadagimizning “John Deere Walldorf International GmbH” kompaniyasi bosh direktori, MDH va Markaziy Osiyo mamlakatlarining qishloq xo'jaligi yo'nalishi bo'yicha prezidenti Chaba Leyko bilan uchrashuvi bo'ldi.

Chaba Leyko turkman xalqining Milliy Liderini ko'rib turganidan juda xursandligini aytib, bu uchrashuv o'zi uchun katta sharaf ekanini ta'kidladi. Shuningdek, u Qahramon Arkadagimizga Amerika Qo'shma Shtatlariga bo'lgan safari muvaffaqiyatli bo'lishini tiladi hamda ushbu safar ikki mamlakat o'rtasidagi munosabatlarning turli yo'nalishlar bo'yicha rivojlanishiga yangi turtki berishiga ishonch bildirdi.

Qahramon Arkadagimiz samimiy so'zlar uchun minnatdorchilik bildirib, Turkmaniston bilan Amerika Qo'shma Shtatlari o'rtasida yo'lga qo'yilgan hamkorlikda qishloq xo'jaligi yo'nalishi bo'yicha aloqalarga muhim o'rin berilganini ta'kidladi. Shuningdek, Qahramon Arkadagimiz qishloq xo'jaligi milliy iqtisodiyotimizning muhim tarmoqlaridan biri ekanini, oziq-ovqat xavfsizligini ta'minlash esa xalqimizning farovonligi bilan bevosita bog'liq ekanini aytib, bu yo'nalishdagi o'zaro aloqalarning istiqboli porloq ekanini ta'kidladi.

Hozirgi davrda muhtaram Prezidentimizning doimiy qo'llab-quvvatlashi natijasida mamlakatimizda agrosanoat majmuasining ishlab chiqarish quvvatlarini zamonaviylashtirish bo'yicha kompleks choralar ko'rilmoqda. Bu majmua ishiga ilg'or texnologiyalar hamda dunyoning eng yaxshi tajribasi joriy etilmoqda. Dehqonlarimizga zamonaviy texnikalar sotib olib berilmoqda. Bu esa majmuaning barcha tuzilmalarining uyg'un rivojlanishini ta'minlaydi.

Uchrashuv davomida ikki tomonlama hamkorlikning muhim yo'nalishlari belgilandi. Shu bilan bog'liq holda, “John Deere” kompaniyasi bilan yo'lga qo'yilgan ishbilarmonlik aloqalarining uzoq muddatli xususiyatga ega ekanligiga e'tibor qaratildi. Bu kompaniya agrosanoat sohasida Turkmanistonning azaliy va ishonchli hamkorlaridan biri hisoblanadi.

Ta'kidlanganidek, 30 yildan ortiq davom etayotgan faol aloqalar davomida Amerika kompaniyasining Turkmanistonga yetkazib berayotgan turli turdagi qishloq xo'jaligi texnikalari sonining ortishi ko'p yillik hamkorlikning jadal rivojlanayotganidan dalolat beradi. Agrosanoat majmuasi uchun mo'ljallangan “John Deere” rusumli ixtisoslashtirilgan texnikalar mamlakatimizning tuproq-iqlim sharoitida samarali ishlamoqda.

Turkmaniston uchun yuqori malakali mutaxassislarni tayyorlash uzoq muddatli ikki tomonlama hamkorlikning muhim yo'nalishlaridan biridir. Bu sohadagi hamkorlikning ham muvaffaqiyatli davom ettirilishi uchun yaxshi imkoniyatlar bor. Hozirgi davrda mamlakatimiz ekin maydonlarida ushbu kompaniyaning minglab qudratli texnikalari yuqori unumdorlik bilan ishlatilmoqda.

Shu munosabat bilan, Turkmaniston va “John Deere” kompaniyasi samarali hamkorlikni kengaytirishga tayyor ekanliklari tasdiqlandi. Ta'kidlanganidek, 2026-yilda – “Mustaqil, boqiy Betaraf Turkmaniston – shamoldek uchqur tulporlar makoni” yilida bu aloqalar yanada faol xususiyatga ega bo'ladi.

Uchrashuv yakunida Chaba Leyko Qahramon Arkadagimizga samarali suhbat hamda kompaniyaga bildirilgan ishonch uchun samimiy minnatdorchilik bildirib, “John Deere” kompaniyasi o'zining hamkorlik majburiyatlarini bajarishga juda mas'uliyat bilan yondashishini aytdi.

Turkmaniston Xalq Maslahati Raisi Gurbanguli Berdimuhamedov AQSHga safari doirasida “Nicklaus Companies” kompaniyasi prezidenti Jon Riz bilan yana uchrashib, bu yerda muhokama qilingan masalalar, erishilgan kelishuvlar va belgilangan vazifalar bo'yicha fikr almashdi.

“Nicklaus Companies” kompaniyasi prezidenti Jon Riz Qahramon Arkadagimizning Amerika Qo'shma Shtatlariga safari yuqori darajada o'tganini hamda uning doirasida o'tkazilgan uchrashuvlarning samarali bo'lganini alohida ta'kidladi. Ta'kidlanganidek, AQSH ishbilarmon doiralari vakillari ushbu safar natijalariga yuqori baho berdilar.

Qahramon Arkadagimiz dunyodagi yetakchi kompaniyalardan birining rahbariga Turkmaniston bilan hamkorlikni yanada faollashtirishga bo'lgan qiziqishlarining ahamiyatiga e'tibor qaratib, mamlakatimiz o'zining Betaraflik maqomiga asoslangan tashqi siyosat olib borayotganini, bunda Turkmaniston o'zaro manfaatli hamda o'zaro hurmat va ishonch asosida yo'lga qo'yiladigan aloqalar uchun har doim ochiqligini ta'kidladi.

Shuningdek, fikr almashishlar davomida o'tkazilgan uchrashuvlar yakunlari bo'yicha erishilgan kelishuvlarni yuqori darajada bajarish masalalari muhokama qilindi. Qahramon Arkadagimiz “Avaza” milliy sayyohlik zonasida va Arkadag shahrida golf maydonchalari qurilishi rejalashtirilayotganini aytib, bu borada o'zaro tajriba almashish masalalariga e'tibor qaratdi.

Jon Riz Qahramon Arkadagimiz bilan o'tgan uchrashuvdan so'ng Turkmanistonda golf maydonchasi qurish loyihalarini tayyorlash bo'yicha tegishli ishlar amalga oshirilganini ma'lum qildi. Ta'kidlanganidek, Kaspiy dengizi bo'yida quriladigan golf majmuasi ushbu sport turiga qiziqqan yoshlar uchun mo'ljallangan ikki maydonchani o'z ichiga oladi. Ularning birida o'zaro musobaqalarni tashkil etish imkoniyati ta'minlanadi. Bu maydonchada golf klubi a'zolari turli mashg'ulotlarni o'tkazishlari mumkin bo'ladi va unda xalqaro musobaqalarni tashkil etish imkoniyatlari yaratiladi.

Hashamatli mehmonxonalar, sanatoriylar va ajoyib akvaparkni o'zida jamlagan Avaza hududida golf maydonchalari qurilishi bu go'shaning Markaziy Osiyo miqyosida ahamiyatli dam olish zonasi sifatidagi nufuzini mustahkamlaydi.

Shuningdek, uchrashuv davomida Arkadag shahrining tabiiy xususiyatlari golf maydonchasi qurish uchun barcha zarur sharoitlarni o'zida jamlagani ta'kidlandi. Bu esa ushbu yo'nalish bo'yicha aloqalarning sifat jihatidan yangi bosqichga chiqishini ta'minlaydi.

Ma'lumki, “Nicklaus Companies” kompaniyasi 50 yildan ortiq vaqt davomida dunyo miqyosidagi 450 dan ortiq golf maydonchalarini qurgan. Ularning Amerika shtatlarining 40 tasida va dunyo mamlakatlarining 50 tasida faoliyat yuritayotgani ta'kidlandi. Bu jahon golf sportini rivojlantirishga qo'shilgan munosib hissadir. Turkmanistonda golf sportining faol rivojlanishi mamlakatimizning xalqaro maydondagi sport obro'sini yanada yuksaltiradi.

Qahramon Arkadagimiz Turkmanistonda yuqori natijali sport, dam olish va turizmni rivojlantirish davlat siyosatining muhim yo'nalishlaridan biri ekanini ta'kidladi. Shu munosabat bilan, mamlakatimizda zamonaviy sport tizimi shakllanganini qayd etib, Qahramon Arkadagimiz bu yo'nalishdagi hamkorlik golf sportining rivojlanishiga yangi turtki berishiga ishonch bildirdi.

Uchrashuv yakunida Qahramon Arkadagimiz va Jon Riz o'tkazilgan uchrashuvlarning samarali bo'lganini yana bir bor ta'kidlab, bir-birlariga ezgu tilaklar bildirdilar hamda ushbu uchrashuv yangi tashabbuslarga yo'l ochganini qayd etdilar.

Qahramon Arkadagimiz AQSHga bo'lgan safarini yakunlab, do'stona mamlakatning xalqaro aeroportiga keldi va bu yerdan jo'nab ketdi.

Bir necha soatdan so'ng Qahramon Arkadagimiz Germaniya Respublikasiga bordi va bu yerda tegishli rahbarlar ishtirokida ishchi yig'ilish o'tkazdi.

Ishchi yig'ilish muhtaram Prezidentimizning shu yilning 13-fevralida o'tkazgan Vazirlar Mahkamasining kengaytirilgan majlisida 2026-yilni “Mustaqil, boqiy Betaraf Turkmaniston – shamoldek uchqur tulporlar makoni” yili deb e'lon qilinishi munosabati bilan, shuningdek, samoviy tulporlarimizning dunyodagi shon-shuhratini yanada yuksaltirish maqsadida imzolagan Qarori asosida o'tkazildi.

Ishchi yig'ilishda 2026-yilda mamlakatimizda va xorijda o'tkaziladigan tadbirlarning yuqori tashkiliy darajasini ta'minlash masalalari muhokama qilindi.

2026-yilning shiori muhim maqsadlarni o'zida jamlagan. Zero, shamoldek uchqur axaltaka otlari Vatanimizning ijodiy qudratining, rivojlanishning yangi cho'qqilari sari dadil qadamlarining, xalqimizning fidokorona mehnatining ramzidir. Sharq taqvimida Ot yili kuch-qudrat, olijanoblik va maqsadga erishish yo'lidagi matonatni anglatadi.

Xalq Maslahati Raisi bayramlar bezagiga aylangan otlar xalqimiz hayotida muhim o'rin tutishini aytib, mard ajdodlarimiz, mohir sayislar sa'y-harakati bilan dunyoda tengi yo'q axaltaka otlari yetishtirilayotganini ta'kidladi. Axaltaka otlari turkman xalqining ijodiy salohiyati va tabiat bilan uyg'unligining yuksak namunasidir. Shuning uchun xalqimiz “Ot – murod”, “Ot ag'nagan yerda to'y bo'lar” deb, o'z tulporlariga katta hurmat ko'rsatadi.

Yig'ilishda Turkmanistonning Germaniyadagi elchisi B. Rejepov turkman-german munosabatlarining hozirgi holati haqida hisobot berdi. Germaniya Turkmanistonning Yevropa mintaqasidagi asosiy savdo-iqtisodiy hamkorlaridan biridir.

Shuningdek, elchi samoviy tulporlarimizni targ'ib qilish hamda ularning xalqaro musobaqalarda ishtirokini ta'minlash bo'yicha olib borilayotgan ishlar haqida ma'lumot berdi.

Shu munosabat bilan, Qahramon Arkadagimiz 2026-yil 11-23-avgust kunlari Germaniyaning Axen shahrida o'tkaziladigan «FEI World Championship 2026» chempionatida, Niderlandiyada o'tkaziladigan axaltaka otlari go'zallik tanlovida hamda Fransiya va Buyuk Britaniyadagi tadbirlarda ishtirok etishni ta'minlash va ularga yuqori darajada tayyorgarlik ko'rish muhimligini ta'kidladi.

Mamlakatimizda qurilgan yilqichilik majmualari, axaltaka otlarining zotini saqlash va ko'paytirish bo'yicha ishlar xalqaro standartlarga mos keladi, dedi Qahramon Arkadagimiz.

Yig'ilish yakunida Xalq Maslahati Raisi rejalashtirilgan tadbirlarning yuqori saviyada o'tkazilishi mamlakatimiz nufuzini yanada oshirishini ta'kidladi. Milliy Lider tadbirlarning aniq dasturlarini tayyorlash va barcha tuzilmalarning birgalikda harakat qilishi bo'yicha ko'rsatmalar berdi.

Qahramon Arkadagimiz yig'ilishni yakunlab, ishtirokchilarga muvaffaqiyatlar tiladi va Vatanga yo'l oldi.

Bir necha soatdan so'ng Qahramon Arkadagimiz poytaxtimiz xalqaro aeroportiga yetib keldi. Bu yerda u samimiy kutib olindi.

Qahramon Arkadagimizning AQSHga safari samarali uchrashuv va muzokaralarga boy bo'ldi. Bu Turkmanistonning o'zaro hurmat va ishonch asosidagi munosabatlar uchun ochiqligining namunasidir. Ushbu safar yakunlari Turkmaniston-AQSH munosabatlari tarixida yangi sahifa ochadi.