Turkmaniston BMTdagi elchisini boshqa ishga o‘tishi munosabati bilan lavozimidan ozod etdi

Bu haqda kecha Turkmaniston Prezidenti tomonidan imzolangan hujjatda ta’kidlab o‘tildi. «Watan» xabarlar dasturida xabar berilganidek, Aksoltan To‘rayevna Atayeva boshqa ishga o‘tishi munosabati bilan Turkmanistonning BMT huzuridagi (Nyu-York shahri, Amerika Qo‘shma Shtatlari) doimiy vakili, Turkmanistonning Kuba Respublikasi, Braziliya Federativ Respublikasi va Venesuela Bolivar Respublikasidagi Favqulodda va Muxtor elchisi lavozimlaridan ozod etildi. Turkmanistonning BMT huzuridagi doimiy vakili lavozimiga Vepa Segsengeldiyevich Xajiyev tayinlanib, u Turkmanistonning Shveysariya Konfederatsiyasidagi (Jeneva shahri) Favqulodda va Muxtor elchisi, BMTning Jenevadagi bo‘limi huzuridagi (Shveysariya Konfederatsiyasi, Jeneva shahri) doimiy vakili hamda Turkmanistonning Vatikandagi Favqulodda va Muxtor elchisi lavozimlaridan ozod etildi.