Turkmaniston Davlat xavfsizlik kengashining kengaytirilgan yig‘ilishi

Turkmaniston Prezidenti va Qurolli Kuchlar Oliy Bosh Qo‘mondoni, armiya generali Serdar Berdimuhamedov Davlat xavfsizlik kengashining kengaytirilgan sayyor yig‘ilishini o‘tkazdi. Unda 2025 yilda harbiy va huquqni muhofaza qiluvchi organlar tomonidan amalga oshirilgan ishlar yakunlari ko‘rib chiqildi va joriy yil uchun asosiy vazifalar belgilandi.

Mudofaa vaziri B. Gündog‘diyev Qurolli Kuchlarni rivojlantirish dasturi doirasida bajarilgan ishlar haqida hisobot berdi. Prezident Qurolli Kuchlarni modernizatsiya qilish va 2026 yilda ham ushbu ishlarni davom ettirish zarurligini ta’kidladi.

Yig‘ilishda prokuratura, ichki ishlar, sud tizimi, milliy xavfsizlik, chegara, adliya, bojxona va migratsiya organlari rahbarlarining hisobotlari tinglandi.

Shuningdek, Davlat chegara xizmati rahbari lavozimiga yangi tayinlov amalga oshirildi.

Yig‘ilish yakunida Prezident Vatan himoyachilari kuniga bag‘ishlab harbiy va huquqni muhofaza qiluvchi organlar xodimlarini tabrikladi va davlat mukofotlari to‘g‘risidagi farmonlarni imzoladi.