Turkmaniston Elchisi AQSh Prezidenti Donald Trampga ishonch yorligʻini topshirdi

2026-yil 21-may kuni Vashington shahridagi Oq uyda Turkmanistonning Amerika Qoʻshma Shtatlaridagi Favqulodda va Muxtor elchisi Esen Aydogdiyevning AQSh Prezidenti Donald Trampga ishonch yorligʻini topshirish marosimi boʻlib oʻtdi. Rasmiy tadbir davomida elchi AQSh rahbariga Turkmaniston Prezidenti Serdar Berdimuhamedov hamda turkman xalqining Milliy Etakchisi, Turkmaniston Xalq Maslahati Raisi Gurbanguli Berdimuhamedovning samimiy salomi va eng ezgu tilaklarini yetkazdi. Prezident Donald Tramp oʻz navbatida koʻrsatilgan hurmat uchun minnatdorlik bildirib, Turkmanistonning oliy rahbarlariga oʻzining doʻstona salomi va eng ezgu tilaklarini yoʻlladi. Uchrashuv doirasida tomonlar ikki mamlakat oʻrtasida yoʻlga qoʻyilgan va 34 yildan ortiq vaqt davomida rivojlanib kelayotgan ikki tomonlama munosabatlarning strategik ahamiyatini alohida taʼkidladilar. Shuningdek, savdo-iqtisodiy, investitsiya, energetika hamda madaniy-gumanitar sohalarda oʻzaro manfaatli hamkorlikni bundan buyon ham yangi bosqichlarga olib chiqishga ikki tomon ham chuqur qiziqish bildirayotgani taʼkidlandi.