Turkmaniston elchisining Yaponiya ot sporti federatsiyasi rahbarlari bilan uchrashuvi bo‘lib o‘tdi

2026-yil 12-mart kuni Tokioda Turkmanistonning Yaponiyadagi elchisi A. Bayramovning Yaponiya ot sporti federatsiyasi va Tokio ot sporti majmuasi rahbarlari Ito Hiroshi hamda Yoshikazu Masuda bilan uchrashuvi bo‘lib o‘tdi. Bu haqda Turkmaniston TIV rasmiy saytida xabar berildi.

Uchrashuvda Yaponiya-Turkmaniston parlamentlararo do‘stlik guruhi a’zosi, Yaponiya Parlamenti Vakillar palatasi deputati Takuma Miyadzi, “Akhal-teke Affinity Co. LTD” yapon iqtisodiy jamiyati bosh direktori, Xalqaro axaltaka otchilik assotsiatsiyasi a’zosi, Turkmanistonda xizmat ko‘rsatgan otshunos Michiko Aoe va yapon otshunoslari ishtirok etdi.

Suhbat davomida yapon tomoniga “Mustaqil, doimiy Betaraf Turkmaniston — tulporlar makoni” yilida mamlakatda va xorijda o‘tkazilayotgan keng ko‘lamli tadbirlar hamda davlatning otchilik sohasidagi siyosati haqida ma’lumot berildi. Shuningdek, Yaponiya ot sporti federatsiyasi bilan hamkorlikni yo‘lga qo‘yishning aniq yo‘nalishlari muhokama qilindi.

Uchrashuvdan so‘ng ishtirokchilar Tokio ot sporti majmuasi hududida joylashgan Axaltaka tulpori haykalini ziyorat qildilar.