Turkmaniston Prezidenti Balkan welaýatiga ishchi tashrif buyurdi

Turkmaniston Prezidenti Serdar Berdimuhamedov Balkan welaýatiga ishchi tashrif amalga oshirdi. Tashrif davomida Davlat rahbari BMTning Dengizga chiqish imkoniyatiga ega bo‘lmagan rivojlanayotgan mamlakatlar bo‘yicha o‘tkaziladigan uchinchi yuqori darajadagi xalqaro konferensiyaga tayyorgarlik darajasi bilan tanishdi.

Turkmaniston Davlat Axborot agentligi (TDH) rasmiy veb-saytida xabar berilishicha, muhtaram Prezidentning uchaqi poytaxt Ashxoboddan Turkmanboshi shahriga yo‘l olayotganda Arkadag shahri ustidan uchib o‘tdi. Aynan shu paytda yangi qurilgan avtomobil yo‘li va zamonaviy ko‘prikning ochilish marosimi bo‘lib o‘tdi. Marosimda oqsoqollar va bolalar Prezidentning yo‘liga duo qilib, uni iliq tilaklar bilan qarshi oldilar.

Turkmanboshi xalqaro aeroportida Prezidentni rasmiy vakillar kutib oldi. Qayta jihozlangan ushbu zamonaviy majmuada eng ilg‘or texnologiyalar joriy etilgan bo‘lib, xalqaro darajadagi aviatsiya xizmatlarini rivojlantirish uchun keng imkoniyatlar yaratilgan.

Prezident Serdar Berdimuhamedov forum o‘tkaziladigan joyga tashrif buyurib, olib borilayotgan tayyorgarlik ishlari bilan tanishdi. Vazirlar Mahkamasi Raisining o‘rinbosari, tashqi ishlar vaziri Rashid Meredov xalqaro forum uchun yaratilgan qulay sharoitlar haqida batafsil ma’lumot berdi.

Shuningdek, TDH xabariga ko‘ra, muhtaram Prezidentimiz mazkur yuqori darajadagi forumning o‘tkazilishi Turkmaniston bilan BMT o‘rtasidagi strategik hamkorlikning yaqqol isboti ekanligini ta’kidladi. 2025-yilning 11-aprel kuni BMT Bosh Assambleyasining 79-sessiyasining 63-plenar yig‘ilishida tegishli Qaror qabul qilindi. Unga 57 davlat hammuallif sifatida imzo chekdi. Forumda dunyoning turli davlatlaridan yuqori martabali vakillar, xalqaro tashkilotlar va xususiy sektor rahbarlarining ishtiroki kutilmoqda.

Tashrif davomida muhtaram Prezidentimiz “Awaza” milliy turizm zonasida rejalashtirilgan madaniy tadbirlar o‘tkaziladigan joylarga ham tashrif buyurdi. Ushbu tadbirlar do‘stona davlatlar o‘rtasidagi madaniy aloqalarni rivojlantirishga xizmat qilishi ta’kidlandi. Awazada joylashgan zamonaviy mehmonxonalar va dam olish majmualari xalqaro mehmonlarni yuqori darajada qabul qilishga tayyor holga keltirilgan.

Davlat rahbari mamlakatimizning qadimiy mehmondo‘stlik an’analariga muvofiq chet ellik mehmonlarni kutib olish va yuqori sifatli xizmatlar ko‘rsatish bo‘yicha tegishli topshiriqlar berdi.

Prezident ishchi tashrifni yakunlab, Turkmanboshi xalqaro aeroportidan Ashxobod shahriga qaytib ketdi. TDHning ta’kidlashicha, mazkur tashrif xalqaro forumni yuqori tashkiliy darajada o‘tkazish yo‘lida olib borilayotgan keng ko‘lamli tayyorgarlik ishlarining yana bir yaqqol isbotiga aylandi.