Turkmaniston Prezidenti Pokiston Islom Respublikasi rahbariyatiga ta’ziya bildirdi

Turkmaniston Hurmatli Prezidenti Serdar Berdimuhamedov Pokiston Islom Respublikasi Prezidenti Asif Ali Zardari hamda Bosh vaziri Mian Muhammad Shahbaz Sharifga Islomobod shahridagi masjidda sodir bo‘lgan portlash oqibatida ko‘plab insonlar halok bo‘lgani va jarohat olgani munosabati bilan ta’ziya maktubini yo‘lladi.

«Turkmaniston terrorizm va ekstremizmning har qanday ko‘rinishlarini qat’iy qoralaydi hamda ushbu ofatga qarshi kurashish va uni bartaraf etish yo‘lidagi jahon hamjamiyati sa’y-harakatlarini to‘liq qo‘llab-quvvatlaydi», — deyiladi maktubda.

Davlat rahbari ushbu og‘ir damlarda Turkmaniston xalqi va Hukumatining nomidan, shuningdek, shaxsan o‘z nomidan halok bo‘lganlarning oila a’zolari va yaqinlariga samimiy hamdardlik va dalda so‘zlarini bildirib, jabrlanganlarga tez fursatda sog‘ayib ketishlarini tiladi.