Turkmaniston Prezidenti raqamli tizim orqali ish majlisini oʻtkazdi
Kecha hurmatli Prezidentimiz Serdar Berdimuhamedov Vazirlar Mahkamasi Raisining oʻrinbosari T.Atahalliyev hamda veloyatlar hokimlari ishtirokida raqamli tizim orqali navbatdagi ish majlisini oʻtkazdi. Majlisda mamlakatimiz qishloq xoʻjaligi majmuasida olib borilayotgan mavsumiy ishlar va hududlarni ijtimoiy-iqtisodiy jihatdan rivojlantirish boʻyicha bajarilayotgan chora-tadbirlar muhokama qilindi.
Ish majlisining borishida veloyatlar hokimlari hududlarda gʻalla oʻrimidan boʻshagan maydonlarni kelgusi yil bugʻdoy ekishiga tayyorlash, tuproqni shudgor va tekislash ishlari orqali unumdorligini oshirish hamda ekishda foydalaniladigan texnikalar va yuqori sifatli urugʻlarni tayyorlash yoʻnalishida olib borilayotgan ishlar haqida hisobot berdilar. Shuningdek, gʻoʻza ekilgan maydonlarda agrotexnika qoidalariga muvofiq qator oraligʻiga ishlov berish, mineral oʻgʻitlar bilan oziqlantirish va oʻsish suvini berish ishlari talab darajasida davom etayotganligi taʼkidlandi.
Bundan tashqari, Toshhovuz va Lebap veloyatlarida sholi, Mary veloyatida esa kuzgi qand lavlagi ekilgan maydonlarda zarur parvarishlash ishlarining olib borilayotgani, mamlakatimizda oziq-ovqat moʻl-koʻlchiligini mustahkamlash maqsadida kartoshka, sabzavot-poliz va boshqa ekinlarning kuzgi ekilishiga tayyorgarlik koʻrilayotgani maʼlum qilindi. Hokimlar "Oba milli dasturi"ga muvofiq, veloyatlarda joriy yilda ochib foydalanishga topshirilishi rejalashtirilgan madaniy-ijtimoiy hamda ishlab chiqarish maqsadidagi obyektlardagi qurilish ishlarining ahvoli haqida ham batafsil maʼlumot berdilar.
Hurmatli Prezidentimiz Serdar Berdimuhamedov hisobotlarni tinglab, qishloq xoʻjaligi sohasining milliy iqtisodiyotimizdagi muhim oʻrniga eʼtibor qaratdi. Davlat Rahbari gʻoʻzani parvarishlash ishlari hamda kelgusi yil bugʻdoy hosilining poydevorini qoʻyish boʻyicha olib borilayotgan tayyorgarlik tadbirlari agrotexnika qoidalariga toʻliq mos kelishi va oʻz vaqtida bajarilishi zarurligini taʼkidladi. Shuningdek, mamlakatimizda ochilishiga erishiladigan obyektlardagi qurilish ishlarining sifatli boʻlishini va oʻz vaqtida yakunlanishini qatʼiy nazorat ostida saqlashni topshirdi.
Majlis davomida Vazirlar Mahkamasi Raisining oʻrinbosari T.Atahalliyev mamlakatimiz qishloq xoʻjaligi majmuasidagi umumiy ishlarning ahvoli va sohada amalga oshirilayotgan mavsumiy tadbirlar haqida hisobot berdi.
Hurmatli Prezidentimiz raqamli tizim orqali oʻtkazilgan ish majlisini yakunlab, unda qatnashganlarga mustahkam sogʻlik, oilaviy farovonlik va olib borayotgan masʼuliyatli ishlarida ulkan muvaffaqiyatlar tiladi.
