Turkmaniston va Ozarbayjon Respublikasi tashqi siyosat idoralari rahbarlari o‘rtasida telefon orqali muloqot bo‘lib o‘tdi

2026-yil 7-mart kuni Turkmaniston Tashqi ishlar vaziri Rashid Meredov va Ozarbayjon Respublikasi Tashqi ishlar vaziri Jeyhun Bayramov o‘rtasida telefon orqali muloqot bo‘lib o‘tdi. Suhbat davomida tomonlar Yaqin va O‘rta Sharq mintaqasidagi hozirgi vaziyatni muhokama qildilar. Bu haqda Turkmaniston TIV saytida xabar berilgan.

Barcha murakkab xalqaro masalalar faqat tinch, siyosiy-diplomatik vositalar va usullar orqali, xalqaro huquq asosida hal qilinishi lozimligi alohida ta’kidlandi.

Shuningdek, Ozarbayjon hududiga amalga oshirilgan so‘nggi havo hujumlari munosabati bilan davlatlarning suverenitetini hurmat qilish kabi BMT Nizomining asosiy tamoyili buzilishiga yo‘l qo‘yilmasligi uqtirildi.

Tashqi siyosat idoralari rahbarlari mintaqadagi vaziyat bilan bog‘liq ayrim gumanitar masalalar bo‘yicha ham fikr almashdilar.