Turkmaniston va Xalqaro mehnat tashkiloti o‘rtasidagi hamkorlikni faollashtirish yo‘llari muhokama qilindi

Turkmaniston Mejlisi raisi D. Gulmanova Xalqaro mehnat tashkilotining (XMT) mintaqaviy direktori Piter van Roy bilan uchrashib, mehnat qonunchiligini modernizatsiya qilish va 2026-yilga mo‘ljallangan “Yo‘l xaritasi” rejalarini muhokama qildi.

Kecha Turkmaniston Mejlisi raisi D. Gulmanova Xalqaro mehnat tashkilotining Yevropa va Markaziy Osiyo bo‘yicha mintaqaviy direktori janob Piter van Roy bilan uchrashdi.

Uchrashuvda Turkmaniston va Birlashgan Millatlar Tashkiloti, uning tarkibiy bo‘linmalari, shuningdek, Xalqaro mehnat tashkiloti o‘rtasidagi ko‘p tomonlama hamkorlikni yanada faollashtirish yo‘nalishlari muhokama qilindi. Bu haqda Mejlis saytida xabar berildi.

Shuningdek, Turkmaniston hukumati va XMT o‘rtasidagi 2024-2025-yillarga mo‘ljallangan hamkorlik bo‘yicha chora-tadbirlar “Yo‘l xaritasi” doirasida amalga oshirilgan ishlarning ijobiy natijalari hamda 2026-yilga mo‘ljallangan “Yo‘l xaritasi”da ko‘zda tutilgan tadbirlar yuzasidan fikr almashildi.

Turkmaniston tomoni to‘plangan tajriba va umume’tirof etilgan xalqaro normalar asosida, shuningdek, Turkmaniston qo‘shilgan xalqaro shartnomalar qoidalarini milliy qonunchilikka tatbiq etish orqali mehnat qonunchiligi, inson huquqlari, bolalar va aholini ijtimoiy himoya qilishga oid huquqiy hujjatlarni modernizatsiya qilish borasida amalga oshirilayotgan ishlar bilan tanishtirdi.

Piter van Roy Turkmanistonda bu borada amalga oshirilayotgan ishlarning natijalarini yuqori baholadi va yaqin kelajakdagi hamkorlik bo‘yicha o‘z qarashlarini bayon etdi.