Turkmanistonda 2026-yilda 3 million tup ko‘chat ekish rejalashtirilgan

Turkmanistonni bog‘-bo‘stonga aylantirish, uning go‘zal tabiatini yanada boyitish maqsadida Turkmaniston Prezidenti Qarorni imzoladi. Hujjatga muvofiq, Turkmanistonda 2026-yilda manzarali, ignabargli, mevali daraxtlar va uzum ko‘chatlarini, jumladan:

• vazirliklar, tarmoq idoralari, Ashxobod va Aqidag shaharlari hokimliklari hamda boshqa muassasalar tomonidan 1,5 million tup;
• viloyat hokimliklari tomonidan 1,5 million tup ko‘chat ekilishini ta’minlash topshirildi.

Vazirliklar, idoralar, viloyatlar, Ashxobod va Aqidag shaharlari hokimliklariga mevali daraxt va uzum ko‘chatlarini maxsus belgilangan yer maydonlarida turlari bo‘yicha ekishni hamda ekilgan ko‘chatlarni tomchilatib sug‘orish usulida sug‘orishni ta’minlash belgilandi.

Shuningdek, hujjat bilan Atrof-muhitni muhofaza qilish vazirligiga vazirliklar, idoralar va hokimliklarni yetarli miqdorda uzum hamda 3 yillik daraxt ko‘chatlari bilan ta’minlash, shuningdek, ularning ekilishi va parvarish qilinishini nazorat qilish topshirildi.

Tegishli Qaror Vazirlar Mahkamasining 2025-yil yakunlariga bag‘ishlab 13-fevral kuni o‘tkazilgan kengaytirilgan majlisi davomida imzolandi. Bu haqda TDH agentligi xabar bermoqda.