Turkmanistonda Xalqaro xotin-qizlar kuni munosabati bilan dam olish kuni 9-martga ko‘chirildi

Turkmaniston Prezidenti Serdar Berdimuhamedov juma kuni bo‘lib o‘tgan Vazirlar Mahkamasining navbatdagi majlisida Xalqaro xotin-qizlar kuni munosabati bilan dam olish kunini ko‘chirish to‘g‘risidagi Farmonni imzoladi.

«Watan habarlary» dasturining xabar berishicha, hujjat Turkmaniston Mehnat kodeksining 81-moddasi 2-qismiga muvofiq qabul qilingan bo‘lib, 2026-yil 8-martdagi dam olish kuni 9-mart — dushanba kuniga ko‘chirildi.

Hujjatga ko‘ra, mulkchilik shaklidan qat’i nazar, barcha muassasa, korxona va tashkilotlar ushbu Farmon ijrosini ta’minlashi shart.

Bundan avval Turkmaniston Prezidenti Serdar Berdimuhamedov har yili 8-martda nishonlanadigan Xalqaro xotin-qizlar kuni munosabati bilan pul mukofotlarini berish to‘g‘risidagi Farmoyishni ham imzolagan edi.