Türkmenistonda «Ilmiy tadqiqotlar va innovatsiyalar» nomli ilmiy-ommabop elektron jurnal yaratiladi

Magtymguly nomidagi Turkman davlat universitetida «Ilmiy tadqiqotlar va innovatsiyalar» nomli ilmiy-ommabop elektron jurnal yaratiladi. Bu haqda 30-yanvarda o‘tkazilgan Turkmeniston Vazirlar Kabineti yig‘ilishida B. Orazdurdyýewa xabar berdi.

Yangi elektron nashr orqali mamlakatimizdagi ta’lim va ilm sohalarida olib borilayotgan ilg‘or tajribalar keng yoritiladi. Jurnalda professorlar, olimlar va talabalarning ilmiy maqolalari turkman, ingliz va rus tillarida nashr etilishi rejalashtirilgan.

Jurnal milliy meros, pedagogika va tarbiya, filologiya, psixologiya, huquqshunoslik, metodologiya, mashhur tarixiy voqealar va buyuk shaxslarning jahon madaniyatiga qo‘shgan hissalari, shuningdek, ta’lim, ilm-fan va ishlab chiqarish o‘rtasidagi aloqalarni mustahkamlashdagi yutuqlar haqida maqolalarni o‘z ichiga oladi.

Elektron jurnal yaratish yoshlarni yangi ilmiy kashfiyotlar va ixtirolarga undaydi. Shu munosabat bilan, Vazirlar kabinetining o‘rinbosari Prezidentga tegishli taklifni taqdim etdi.

Prezident hisobotni tinglab, mamlakatda yuqori malakali mutaxassislar va yosh olimlarni tayyorlashga katta e’tibor qaratilayotganini, shuningdek, raqamli tizim imkoniyatlaridan foydalanish uchun barcha zarur sharoitlar yaratilganini ta’kidladi. Davlat rahbari «Ilmiy tadqiqotlar va innovatsiyalar» elektron jurnalini yaratish bo‘yicha taklifni qo‘llab-quvvatladi va Vazirlar kabineti o‘rinbosariga tegishli ishlarni amalga oshirishni topshirdi.