Turkmenistonlik maktab o‘quvchilari xalqaro kimyo olimpiadasida ishtirok etmoqda

Uza.uz saytining xabariga ko‘ra, olimpiada 28-may kuni boshlangan bo‘lib, O‘zbekiston (mezbon mamlakat), Turkmeniston, Saudiya Arabistoni, Turkiya, Ozarbayjon, Mo‘g‘uliston, Belarus, Vetnam, Rossiya, Gruziya, Hindiston, Qozog‘iston, Qirg‘iziston va Tojikistondan jami 115 nafar o‘quvchini birlashtirdi.

Olimpiada ikki bosqichda o‘tkazilmoqda: nazariy (yozma ish) va amaliy (laboratoriya ishi). Tadbir 4-iyunga qadar davom etadi.

Olimpiada doirasida xalqaro mutaxassislar ishtirokida o‘quvchilar uchun bir qator mahorat darslari o‘tkaziladi. Shuningdek, ishtirokchilar Toshkent va Samarqand shaharlaridagi tarixiy va madaniy joylarga sayohat qilishadi.