Uganda Bosh vaziri Robina Nabbanja Turkmanistonga keldi

Uganda Respublikasi Bosh vaziri Robina Nabbanja BMTning "Dengizga chiqish imkoniyati bo‘lmagan rivojlanayotgan davlatlar" bo‘yicha uchinchi xalqaro anjumanida ishtirok etish uchun Turkmanistonga keldi. Yuqori martabali mehmon Turkmanboshi xalqaro aeroportida Turkmaniston Vazirlar Mahkamasi Raisining o‘rinbosari Hojamyrat Geldimyradov tomonidan samimiy kutib olindi. Bu haqda Xalqaro axborot markazi xabar bermoqda.

Forum davomida Bosh vaziraning Uganda Prezidenti Yoveri Museveni tomonidan anjumanga yo‘llagan maxsus murojaatini o‘qib eshittirishi kutilmoqda.

Ma'lumot uchun, Uganda — Sharqiy Afrikada joylashgan va dengizga chiqish imkoniyati bo‘lmagan davlat bo‘lib, aholisi 50 milliondan oshadi. Go‘zal tog‘li tabiati va boy biologik xilma-xilligi bilan mashhur bo‘lgan bu mamlakat ko‘pincha “Afrika gavhari” deb ataladi.

Bosh vazira Nabbanjaning "Awaza" milliy turizm zonasida bo‘lib o‘tayotgan ushbu nufuzli forumda ishtiroki Uganda uchun xalqaro hamkorlikni kengaytirish, iqtisodiy rivojlanishni yangi bosqichga olib chiqish va jahon iqtisodiy tizimiga yanada chuqurroq integratsiyalashish yo‘lida muhim turtki bo‘lishi kutilmoqda.