Yaxshi qo‘shnichilik tamoyili: Davlat rahbari qardosh Ozarbayjon xalqini tabrikladi
Turkmaniston Prezidenti Serdar Berdimuhamedov Ozarbayjon Respublikasi Prezidenti Ilham Aliyevga va qardosh ozarbayjon xalqiga mamlakatning milliy bayrami — Mustaqillik kuni munosabati bilan o‘zining samimiy tabriklari va eng ezgu tilaklarini yo‘lladi.
«Report» agentligining xabar berishicha, tabrikda shunday deyiladi:
«Muhtaram Ilham Heydar o‘g‘li! Sizni va Ozarbayjon Respublikasining butun xalqini Mustaqillik kuni munosabati bilan chin qalbdan tabriklayman! Hozirgi vaqtda Ozarbayjon iqtisodiyot, infratuzilma va madaniyatda hayratlanarli yutuqlarni namoyish etib, shiddatli sur’atlar bilan rivojlanmoqda, shuningdek, xalqaro hamkorlikni mustahkamlashda muhiim o‘rin egallamoqda. Yaxshi qo‘shnichilik, do‘stlik va o‘zaro anglashuv tamoyillariga asoslangan turkman-ozarbayjon munosabatlari bugungi kunda yanada dinamik va izchil xarakterga ega bo‘layotganini katta mamnuniyat bilan ta’kidlamoqchiman. Xalqlarimiz farovonligi yo‘lida bundan buyon ham yaqindan hamkorlik qilishga tayyorligimizni bildiramiz».
Davlat rahbarimiz murojaatining yakunida ushbu yoqimli imkoniyatdan foydalanib, Ozarbayjon Respublikasi Prezidenti Ilham Aliyevga chin dildan mustahkam sog‘liq va baxt, qardosh Ozarbayjon xalqiga esa tinchlik, omonlik va ravnaq tilaklarini izhor etdi.
