Avtosanoat kelajagi: 2030-yilga borib to'liq avtomatlashtirilgan zavodlar paydo bo'ladi

Dunyoning eng yirik 25 ta avtoishlab chiqaruvchisidan 12 tasi allaqachon sun'iy intellekt va odamsimon robotlarni sinovdan o'tkazmoqda. Maqsad — ishlab chiqarish jarayonini tezlashtirish va sifatni yangi bosqichga olib chiqish. Ekspertlarning fikricha, bu texnologiyalar yangi modellarni bozorga chiqarish vaqtini 50 foizga qisqartiradi.

Janubiy Koreyaning «Hyundai» kompaniyasi 2028-yildan AQShdagi zavodlarida «Boston Dynamics» robotlarini ishlatishni rejalashtirgan. Germaniyaning «Mercedes-Benz» kompaniyasi esa «Apollo» robotlarini sinovdan o'tkazishni boshladi. 2030-yilga borib avtomobillarni yig'ish jarayoni butunlay raqamli modellar va avtonom tizimlar qo'liga o'tishi prognoz qilinmoqda.