Arkadag şäherinde futbol boýunça zenanlaryň arasynda geçirilen Türkmenistanyň birinjiliginiň jemleýji duşuşyklary tamamlandy. Ýaryşyň netijelerine görä, «Kerwen» topary birinji orna mynasyp boldy. «Miras» topary ikinji, «Mary» topary bolsa üçünji orny eýeledi.

Jemleýji oýunlar Arkadag şäherindäki 10 müň tomaşaça niýetlenen stadionyň emeli örtükli meýdançasynda geçirildi. Bäsleşik Türkmenistanyň Futbol federasiýasy tarapyndan guraldy.

Duşuşyklar ýokary depginde we çekeleşikli ýagdaýda geçdi. Ýaryşyň ahyrynda öňe saýlanan toparlara degişlilikde altyn, kümüş we bürünç orunlar berildi.