Burkina-Fasodan ýokary derejeli wekiliýet Awazadaky halkara foruma gatnaşmak üçin Türkmenistana geldi

2025-nji ýylyň 4-nji awgustynda Burkina-Fasonyň Döwlet ministri Traore Karamoko Jean Mari we Territorial dolandyryş hem-de mobillik ministri Emile Zerbo ýolbaşçylygyndaky ýokary derejeli wekiliýet, BMG-niň Deňze çykalgasy bolmadyk ösüp barýan döwletler boýunça üçünji halkara maslahatyna gatnaşmak üçin Türkmenbaşy şäherine geldi.

Wekiliýeti alyp gelen uçar Türkmenbaşy Halkara howa menziline gondy. «Türkmenhowaýollarynyň» habar bermegine görä, belent mertebeli myhmanlar türkmen halkynyň gadymy myhmansöýerlik däplerine laýyklykda, resmi ýagdaýda mähirli garşylanyldy.

Burkina-Fasodan ministrler derejesindäki gatnaşmak bu halkara forumyň ähmiýetini has-da ýokarlandyrýar. Şeýle hem bu gatnaşyk, deňze çykalgasy bolmadyk ýurtlaryň umumy bähbitleriniň halkara derejede beýan edilmegine, tejribe alyşmaga hem-de hyzmatdaşlygyň täze ugurlarynyň kesgitlenmegine mümkinçilik döreder diýip garaşylýar.