Koreýa Respublikasy Türkmenistana täze ilçi belledi

Li Won Çže Koreýa Respublikasynyň Türkmenistandaky täze Adatdan daşary we Doly ygtyýarly ilçisi wezipesine bellenildi. Bu barada Koreýa Respublikasynyň Daşary işler ministrligi habar berdi.

Ýeri gelende bellesek, 30 ýyllyk tejribä eýe diplomat Li Won Çže mundan ozal Koreýa Respublikasynyň Milli diplomatik akademiýasynyň ýokary derejeli professory wezipesini eýeledi.

Li Won Çže 1968-nji ýylda dünýä inýär. Ol Koreýa Respublikasynyň abraýly ýokary okuw mekdepleriniň biri Ýonse uniwersitetini tamamlady. Ol zähmet ýolunyň dowamynda ýurduň Beýik Britaniýadaky, Germaniýadaky we Italiýadaky diplomatik wekilhanalarynda işledi.