Türkmenistanyň ýaşlar we ýetginjekler boýunça milli boks ýygyndysy Ispaniýanyň Alikante welaýatynyň La Nusiýa şäherinde geçirilen «Boxam International Tournament 2026» halkara ýaryşynda üstünlikli çykyş etdi.

Dünýäniň 21 döwletinden 246 türgeniň gatnaşan ýaryşynda Türkmenistanyň ýygyndysynyň düzüminde 17 boksçy çykyş etdi. Milli toparyň wekilleri dürli ýaş we agram derejelerinde bäsleşip, jemi 10 medal — 3 altyn, 3 kümüş we 4 bürünç medal gazandylar.

Altyn medal gazananlar:

  1. Arslan Rejepow — U15, 44 kg

  2. Ýunus Maşaripow — U17, 66 kg

  3. Muhammetşarip Maşaripow — U17, 75 kg

Kümüş medal gazananlar:

  1. Rustam Bahramow — U15, 46 kg

  2. Samir Saburow — U17, 80 kg

  3. Atabek Hojaýew — U17, 52 kg

Bürünç medal gazananlar:

  1. Ysmaýyl Mollaýew — U17, 46 kg

  2. Ýazgeldi Amanmedow — U19, 60 kg

  3. Ysmaýyl Orazmyradow — U19, 80 kg

  4. Ezbermuhammet Myratdurdyýew — U17, 63 kg

Ýaryşda türkmen toparynyň ýene bir möhüm üstünligi Ýunus Maşaripowyň ady bilen baglanyşykly boldy. Ol U17 ýaş toparynda çykyş eden türgenleriň arasynda «Ýaryşyň iň gowy boksçysy» diýen abraýly ada mynasyp boldy.

Türkmen boksçylarynyň «Boxam International Tournament 2026» ýaryşynda gazanan netijeleri ýaş türgenleriň halkara ýaryşlarynda üstünlikli çykyş edýändigini we milli boks mekdebiniň geljeginiň uludygyny görkezýär.