Türkmenistanda ýaşlar futboly ösdürilýär: 15 we 17 ýaşa çenli toparlaryň täze ýaryşlary başlandy

Türkmenistanyň Futbol federasiýasy şu ýyldan başlap Ýokary liganyň futbol klublarynyň ýanyndaky 15 hem-de 17 ýaşa çenli ýetginjeklerden düzülen toparlaryň gatnaşmagynda ýurdumyzyň ýaşlar birinjiliklerini geçirmegi ýola goýdy.

15 ýaşa çenli ýetginjeklerden düzülen toparlaryň gatnaşmagyndaky birinjilik şu gün badalga aldy. Bu ýaş derejesinde jemi 8 topar – «Arkadag U15», «Ahal U15», «Altyn Asyr U15», «Şagadam U15», «Nebitçi U15”, «Aşgabat U15», «Köpetdag U15» hem-de «Merw U15» toparlary baş baýrak ugrunda bäsleşýärler.

17 ýaşa çenli ýetginjeklerden düzülen toparlaryň gatnaşmagyndaky birinjilik bolsa düýn, 23-nji martda başlandy. Bu ýaş derejesinde hem 8 topar – «Arkadag U17», «Ahal U17», «Altyn Asyr U17», «Şagadam U17», «Nebitçi U17», «Aşgabat U17», «Köpetdag U17» hem-de «Merw U17» çykyş edýärler.

Birinji tapgyryň netijeleri: «Şagadam U17» – «Ahal U17» – 0:3, «Nebitçi U17» – «Altyn Asyr U17» – 1:1, «Köpetdag U17» – «Merw U17» – 1:5, «Aşgabat U17» – «Arkadag U17» – 1:1.

Iki ýaş derejesinde geçiriljek ýurdumyzyň ýaşlar birinjilikleri iki aýlawdan ybarat bolar.