Türkmenistanyň ýokary we orta hünär okuw mekdeplerine talyplyga dalaşgärleriň resminamalaryny kabul etmek işleri üstünlikli tamamlandy. Bu möhüm möwsüm Ministrler Kabinetiniň 10-njy iýulda geçirilen mejlisinde Türkmenistanyň Prezidentiniň gol çeken Buýrugy esasynda 13–26-njy iýul aralygynda ýokary guramaçylyk derejesinde geçirildi. 2026–2027-nji okuw ýylynda ýurduň ýokary okuw mekdeplerinde täze hünärleriň we taýýarlygyň ugurlarynyň jemi 20-si açylar we kabul ediljek ýaşlaryň sany 18 müňden аşar. S.A.Nyýazow adyndaky Türkmen oba hojalyk uniwersitetinde hem-de Halkara senagatçylar we telekeçiler uniwersitetinde synaglar test görnüşinde geçiriler. Ýokary we orta hünär okuw mekdeplerine giriş synaglary 24-nji awgusta çenli dowam eder.