2026: Turkmanistonda bir qancha transport loyihalari foydalanishga topshiriladi

Turkmanistonda 2026-yilda transport infratuzilmasiga oid bir qancha muhim ob’ektlar qurilishi yakunlanadi va foydalanishga topshiriladi. Bu haqda seshanba kuni chop etilgan “Neytralniy Turkmenistan” gazetasida xabar berildi.

Ustuvor loyihalar qatorida Arkadag shahrida yangi temir yo‘l vokzali va avtovokzal, shuningdek, dengiz va ombor xo‘jaligiga oid ob’ektlar mavjud. Dengiz transporti sohasida ikkita yuk kemasi va bitta dengiz tubini chuqurlashtiruvchi kema foydalanishga topshirilishi rejalashtirilgan.

Bundan tashqari, “Turkmanistonni 2026-yilda ijtimoiy-iqtisodiy rivojlantirish va investitsiya dasturi” Turgundi temir yo‘l stansiyasining “quruq portida” zamonaviy omborxona majmuasini qurishni, shuningdek, dengiz flotini “Ro-Ro” rusumli yangi kema bilan boyitishni o‘z ichiga oladi.

Xabarda ta’kidlanganidek, Turkmanistonning 2026-yilga mo‘ljallangan transport strategiyasi doirasida yangi tranzit yo‘nalishlari ham tashkil etiladi, bu esa Turkmanistonning xalqaro transport markazi sifatidagi o‘rnini yanada mustahkamlaydi. Mamlakatning samarali investitsiya siyosati yuk aylanmasi hajmini oshirishga va Turkmanistonning strategik geografik joylashuvidan unumli foydalanishga xizmat qilmoqda.

Shuningdek, 2026-yilda Ashxobod – Turkmanobod yuqori tezlikdagi avtomobil yo‘lining Mari – Turkmanobod qismi ochilib, foydalanishga topshiriladi.