Erkin kurash bo‘yicha turkmanistonlik sportchi Alp Arslan Begenjow Abu-Dabida bo‘lib o‘tgan Real American Freestyle (RAF) musobaqasining chempionlik uchun bahsida amerikalik sportchi Kyle Dakega mag‘lub bo‘ldi. Uchrashuv Dake foydasiga 10:0 hisobida yakunlandi.

Musobaqa 14-noyabr kuni Yas orolidagi «Etihad Arena» sport majmuasida o‘tkazildi. «Cruiserweight» vazn toifasida liganing amaldagi chempioni bo‘lgan Kyle Dake ushbu g‘alaba orqali chempionlik unvonini saqlab qoldi.

20 yoshli Alp Arslan Begenjow uchun bu RAF ligasidagi ilk ishtirok bo‘ldi. U debyut uchrashuvida zamonaviy erkin kurashning kuchli vakillaridan biri bilan bellashdi.