Mashhur yangiliklar
Ashgabatda tashkil etilgan Turkiya Respublikasi eksport mahsulotlari ko‘rgazmasi o‘z ishini yakunladi
Ashgabatda Turkiya Respublikasining eksport mahsulotlari ko‘rgazmasi o‘z ishini yakunladi. Qardosh mamlakatning yetakchi ishlab chiqaruvchilarini bir joyga jamlagan ushbu keng ko‘lamli iqtisodiy forum Turkmaniston va Turkiya Respublikasi o‘rtasida yo‘lga qo‘yilgan hamkorlikning izchil rivojlanib borayotganini tasdiqlovchi voqea sifatida qabul qilinmoqda.
«Watan» xabarlar dasturida xabar berilganidek, ko‘rgazmada ishtirok etayotgan turk kompaniyalarining ro‘yxati, dunyoda ishonchli hamkor va xorijiy kompaniyalarning samarali ishlashi uchun tegishli qonunchilik bazasini yaratgan davlat sifatida tan olingan Turkmaniston bilan turli yo‘nalishlarni qamrab oluvchi munosabatlarning istiqboli buyuk ekanini ko‘rsatdi. Ko‘rgazmada Turkiya Respublikasi eksport mahsulotlarini namoyish etish bilan birga, istiqbolli yo‘nalishlar bo‘yicha maslahatlashuvlar o‘tkazilishi hamda uning yakunlari bo‘yicha kelishuvlarga erishish yuzasidan fikr almashishlarning tashkil etilishi ushbu tadbirning ko‘p qirrali xarakterga ega ekanligining navbatdagi ifodasi bo‘ldi.
Ashgabatda tashkil etilgan Turkiya Respublikasi eksport mahsulotlari ko‘rgazmasi ishtirokchilariga tegishli sertifikat va diplomlarning topshirilishi hamkorlikning yangi yo‘nalishlariga poydevor bo‘ldi. Keng ko‘lamli ko‘rgazma Turkmaniston Prezidenti nomiga Murojaatnoma qabul qilinishi bilan o‘z ishini yakunladi.
