«Barsa» Ronaldinyoning 2005/06 yilgi mavsumidagi futbolkalarini bir kunga qolmay sotib bo'ldi

Ronaldinyo futbolkalari «Barselona» do'konlarida hamon katta talabga ega. Kataloniya klubi braziliyalik afsona Chempionlar ligasida g'olib chiqqan 2005/06 yilgi mavsum namunasidagi futbolkalarni onlayn savdoga chiqardi. Muxlislarning qiziqishi shunchalik yuqori bo'ldiki, barcha mahsulotlar bir sutkaga qolmay sotib bo'lindi.

Hozirda «Kamp Nou»dagi «Barsa» do'konida faqat bir nechta shunday futbolkalar qolgan. Shu dushanba kunidan boshlab Ronaldinyoning 10-raqamli futbolkasini shahardagi boshqa rasmiy klub do'konlaridan ham sotib olish mumkin bo'ladi. Bu holat futbol olamida Ronaldinyo shaxsiga bo'lgan hurmat va sog'inchning naqadar kuchli ekanligini ko'rsatadi.