Bishkekda 2026-yil shiori va Turkmaniston Mustaqilligining 35 yilligiga bag‘ishlangan tadbir bo‘lib o‘tdi

2026-yilning 20-fevral kuni Turkmanistonning Qirg‘iz Respublikasidagi Elchixonasi J. Balasagin nomidagi Qirg‘iz Milliy universitetida 2026-yilning "Mustaqil, doimiy Betaraf Turkmaniston — tulpor shiddatli orzular makoni" deb e’lon qilinishi va Turkmaniston Mustaqilligining 35 yilligi munosabati bilan ma’rifiy ma’ruza o‘tkazdi. Bu haqda Turkmaniston TIV rasmiy saytida xabar berilgan.

Tadbirda universitet professor-o‘qituvchilari va talabalari ishtirok etdilar.

Uchrashuv davomida ishtirokchilarga Turkmanistonning doimiy betaraflik, tinchliksevarlik, yaxshi qo‘shnichilik va o‘zaro manfaatli hamkorlik tamoyillariga asoslangan tashqi siyosatining izchil amalga oshirilishi haqida batafsil ma’lumotlar berildi.

Shuningdek, 2026-yilda Turkmaniston davlat Mustaqilligining 35 yilligi katta tantana bilan nishonlanayotgani hamda davlat rahbarining boshchiligida siyosiy, iqtisodiy, madaniy va ijtimoiy sohalarda erishilgan yutuqlar bayon etildi.

Tadbir davomida Turkmaniston Prezidenti Serdar Berdimuhamedovning “Turkmaniston betarafligi – tinchlik va ishonchning yorqin yo‘li” nomli kitobiga alohida e’tibor qaratildi hamda ushbu kitob turkman betarafligi falsafasini barqaror tinchlik va ishonchni ta’minlashdagi eng muhim omil sifatida ochib berishi ta’kidlandi.

Shu bilan birga, Axaltaka otlarining turkman xalqining milliy g‘ururi, bebaho tarixiy va madaniy merosi hamda mamlakatning eng go‘zal ramzlaridan biri sifatidagi o‘rni haqida ham to‘xtalib o‘tildi.

Tadbir yakunida Qirg‘iz Respublikasida suratga olingan "Maxtumquli dunyo xotirasida" nomli hujjatli film namoyish etildi.